Kedendik odaq elderinde hımııa qaýipsizdigi salasynda ortaq tehnıkalyq reglamentter ázirlenýde
ASTANA. 5 qazan. QazAqparat /Jasulan Amanbaıuly/ - Búgin Astanada «Hımııalyq ónimderdiń qaýipsizdigin retteý jónindegi TMD elderiniń 4-konferentsııasy» óz jumysyn bastady.
Onda Kedendik odaq elderiniń hımııalyq ónimderine qoıylatyn tehnıkalyq reglamentter men talaptardyń ortaq qujattaryn ázirleý máseleleri pysyqtaldy.
QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Ryskeldi Sátbaevtyń aıtýynsha, onyń talaptaryna sáıkes Belarýs, Qazaqstan jáne Reseı elderi aldaǵy ýaqytta biryńǵaı tehnıkalyq reglamentter shartymen jumys isteıtin bolady. Al ol sharttar Eýropalyq odaqta qoldanylyp jatqan REACH tehnıkalyq reglamentteriniń negizinde jasaqtalmaq.
Onyń atap kórsetkenindeı, qazirgi ýaqytta Belarýs, Qazaqstan jáne Reseı elderi arasynda «Tehnıkalyq retteýdiń biryńǵaı qaǵıdattary men erejeleri týraly kelisim» jasalǵan.
«Kelisim boıynsha, Keden odaǵynyń birinshi kezekti tehnıkalyq reglamentterin ázirleý kestesi bekitildi. Onyń ishinde 47 tehnıkalyq reglament jasaqtaý josparlanǵan», - deıdi ol.
Halyqaralyq qujattardy jáne REACH eýropalyq reglamentin TMD jáne Kedendik odaq elderine engizý máselelerin úılestirý úshin arnaıy REACH jumys toby quralǵan bolatyn. 5 jáne 6 qazan kúnderi, REACH jumys tobynyń 4-otyrysy barysynda hımııa qaýipsizdigi salasyndaǵy normatıvtik bazany jetildirý boıynsha praktıkalyq sheshimder ázirlenbek.
Eki kúnge josparlanǵan konferentsııa barysynda REACH reglamentiniń qoldanysyna qatysy bar Keden odaǵynyń qujattaryn rásimdeý, hımııalyq zattardy tirkeý barysyndaǵy qıynshylyqtardy, GLP ulttyq standartyn ázirleýdiń halyqaralyq tájirıbesi jáne GLP-ge sáıkes zerthanalardyń qyzmeti týraly máseleler kóteriledi dep kózdelýde.
REACH (Regulation, Evaluation and Authorisation of Chemicals) - 2007 jyldyń 1 shildesinen bastap barlyq hımııalyq zattardyń óndirisi men aınalymyn retteıtin jáne mindetti túrde tirkeýdi qajet etetin Eýropalyq odaqtyń reglamenti bolyp tabylady.
