Kedendik odaq elderi boryshkerlerdiń biryńǵaı bazasyn qura alady
ASTANA. QazAqparat - Kedendik odaq elderi - Reseı, Belarýs jáne Qazaqstannyń Ádilet mınıstrlikteri óz memleketterinde qaryz tóleýden jaltaryp júrgen tulǵalardyń biryńǵaı aqparattyq bazasyn qurý múmkindigin qarastyryp otyr, dep málimdedi sársenbi kúni tilshilerge RF Federatsııalyq keńesiniń spıkeri Valentına Matıvıenko.
«Reseı, Belarýs jáne Qazaqstannyń ádilet mınıstrlikteri boryshkerlerdiń elden shyǵýyna tosqaýyl jasaý múmkindigin alý úshin olar boıynsha biryńǵaı aqparattyq bazany qurý múmkindigin talqylaýda. Protsess bastaldy», - dedi senator.
Ol Belararýs pen Reseıde tek ákimshilik shekara bar ekenin jáne keıbir azamattar, sonyń ishinde alımentter tóleýden jaltaryp júrgender Reseıden osylaısha ketip, tóleýden qashyp júrgenin aıtty, dep jazady RIA Novostı.
«Alıment tólemeı, odan keıin Bagama araldaryna shyǵyp júrgender bar - biz olarǵa bulaı jasatpaımyz. Birinshi tóleńizder», - dep atap ótti senator.
