Kedendik odaq aıasynda úsh eldiń qarjy baqylaý organdary birlesken is-sharalar ótkizedi - S. Stepashın
sp; Sáýirdiń 7-si. QazAqparat /Arman Asqarov/ - Aǵymdaǵy jyly Kedendik odaq tolyǵymen óz kúshine engennen keıin úsh eldiń qarjy baqylaý organdary birlesken is-sharalar ótkizbek.
Bul týraly búgin Joǵary qarjy baqylaý organdary Halyqaralyq uıymynyń (INTOSAI) mańyzdy ulttyq kórsetkishter jónindegi jumys tobynyń úshinshi otyrysy aıasynda jýrnalısterge suhbat bergen RF Esep palatasynyń tóraǵasy Sergeı Stepashın málim etti, dep habarlaıdy QazAqparat.
«Biz bárimiz bilemiz, Kedendik odaqtyń naqty jumysy shilde aıynan bastap kórine bastaıdy. Oǵan deıin biz 200-ge jýyq qujattardy ázirleýge tıispiz. Al tamyz, qyrkúıek, qazan jáne qarasha aılarynda Qazaqstan, Reseı jáne Belarýstiń Esep palatalary birlesken qarjy baqylaý is-sharalaryn ótkizedi. Bul kelisimge biz jaqynda qol jetkizgen bolatynbyz. Atalǵan jumys barysynda biz úsh el úshin Kedendik odaqtyń ekonomıkalyq tıimdiligin zerdelep, biryńǵaı ekonomıkalyq keńistiktiń qalyptasý jaıyn baqylaıtyn bolamyz. Osy jumystyń qorytyndysy boıynsha birinshi basshylar men Úkimet jetekshilerine arnaıy esep beriledi», dep atap kórsetti S. Stepashın.
