Kedendik odaq aıasynda qazaqstandyq sút ónimderi salasynda asa úlken ózgerister bola qoımaıdy - Qazaqstan Sút odaǵy
áýirdiń 7-ci. QazAqparat /Qanat Mámetqazyuly/ -Kedendik odaq aıasynda qazaqstandyq sút ónimderi salasynda asa úlken ózgerister bola qoımaıdy.
Búgin elimizdegi sapaly ári qaýipsiz sút ónimderimen qamtamasyz etý, salanyń básekege qabilettigin arttyrý sharalaryna arnalǵan konferentsııa barysynda jýrnalısterge bergen suhbatynda Qazaqstan Sút odaǵynyń atqarýshy dırektory Vladımır Kojevnıkov osylaı málim etti, dep habarlaıdy QazAqparat.
«Qazaqstannyń sút ónimderin kórshiles Reseıge eksporttaýǵa qatysty nóldik stavka Kedendik odaqtan buryn da qalyptasqan bolatyn. Sondyqtan da, elimizdiń biregeı Kedendik odaqqa kirigýinde sút ónimderine qatysty sonshalyqty ózgerister bolady dep oılamaımyn. Bunda másele basqada. Kedendik odaq barysynda keıbir ónim túrleri japa shegýi múmkin. Sonymen bir mezgilde Kedendik odaq aıasynda elimizdiń sút ónimderin óńdeýdiń básekege qabilettiligin arttyra túsken oryndy dep bilemin. Máselen, osyǵan deıin jalpy saýda salasy boıynsha satyp alý-satýǵa den qoıylyp, óz óndirisimizdi damytýǵa onsha kóp kóńil bólinbedi. Sondyqtan da, salaýatty básekede sút ónimderin óńdeý sharalaryna da bılik tarapynan qoldaý jasalýy shart», dedi Qazaqstan Sút odaǵynyń atqarýshy dırektory Vladımır Kojevnıkov.
Onyń aıtýynsha, Qazaqstan men Reseı arasyndaǵy sút óndirý jaǵdaılary uqsas. Tek Reseı tarapynan birshama tehnıkalyq reglamentterdi halyqaralyq standarttarǵa jaqyndatý qajet. Al Belarýs eli aýyl sharýashylyǵy boıynsha myqty básekeles bola alady. «Belarýstyń memlekettik bıýdjetiniń 13 paıyzdyq shyǵystary aýyl sharýashylyǵyn qoldaýǵa jumsalady. Al Qazaqstanda bul kórsetkish tómen», dedi Sút odaǵynyń atqarýshy dırektory.
