Kedendik odaq aıasynda qazaqstandyq kásiporyndardyń básekelestik deńgeıin kóterip alǵan oryndy - G. Qaraǵusova
qpannyń 22-si. QazAqparat /Qanat Mámetqazyuly/ - Kedendik odaq aıasynda qazaqstandyq kásiporyndardyń básekelestik deńgeıin kóterip alǵan oryndy. Búgin QR Parlamenti Májilisinde «Keden odaǵyndaǵy salyqty jáne kedendik ákimshilendirý» atty taqyrypta ótken Úkimet saǵatynda depýtat Gúljan Qaraǵusova osylaı málim etti,
dep habarlaıdy QazAqparat.
«Biregeı kedendik aýmaq jaǵdaıynda bıznestiń básekege qabilettiligi asa ózekti másele. Árıne, Kedendik odaqta qaı tarap óte-móte básekeli bolsa, naryq ta soǵan tıesili bolatyny jasyryn emes. Osy turǵydan alǵanda Kedendik odaqtyń qurylýy Qazaqstanda basqa elderdiń taýarlar sanynyń arta túsip, ózimizdiń otandyq taýar óndirýshilerge aýyr soqqy bolmaı ma, degen zańdy saýal týyndaıdy. Óıtkeni, qazaqstandyq básekege qabiletsiz kásiporyndar jańa jaǵdaıda «tize búgýge» májbúr bolady. Bul rette, ókinishke qaraı alypsatarlarmen emes reseılik jáne belarýstyq óndirýshilermen birge ashyq básekelestikke túsýge daıar emes bop otyrǵan qazaqstandyq taýar óndirýshiler japa shegedi. Osyndaı jaǵdaıda qorǵanys bajdarynan bólek, kásiporyndardy básekege qabiletti deńgeıge deıin damytý, qoldaý sharalary da júzege asqan oryndy», dedi G. Qaraǵusova.
Onyń aıtýynsha, biregeı kedendik tarıfterdi qabyldaǵannan beri Qazaqstandaǵy ortasha kedendik baj salyǵy 5 paıyzǵa artqan. Sonymen birge, Kedendik odaq boıynsha tarıftik saıasattyń túgelge jýyǵy Reseı stavkalaryna qatysty negizdelgen bolyp otyr. «Sondyqtan da, bular basym jaǵdaıda Reseı ekonomıkasy úshin qorǵanysh sıpatta bolatyny aıdan anyq», dedi ol.
