Kedendik odaq agroónerkásip kesheni úshin jańa múmkindikter asha túsedi - A. Evnıev
áýirdiń 1-i. QazAqparat /Qanat Mámetqazyuly/ -Kedendik odaq agroónerkásip kesheni úshin jańa múmkindikter asha túsedi. Búgin elordada ótip jatqan Halyqaralyq astyq konferentsııasy barysynda QR Aýyl sharýashylyǵy vıtse-mınıstri Arman Evnıev osylaı málim etti,
dep habarlaıdy QazAqparat.
«170 mln.-nan astam halyqty quraıtyn Kedendik odaq naryǵy Qazaqstan úshin, onyń ishinde agroónerkásiptik keshen úshin úlken múmkindikterdi asha túsedi. Bul tusta otandyq pozıtsııanyń basymdyqtary qalaı órbıtinin durys boljaǵan oryndy. Eń aldymen Qazaqstannyń osy keńistiktegi naryqqa qatty jáne kúshti bıdaı surypyn jetkizýdegi orny erekshe bolmaq. Ásirese, joǵary sapaly makaron ónimderine de basa mán bergen jón. Esepteýler boıynsha, osy naryq aldaǵy besjyldyq kezeńde 3 mln. tonnadan astam makaron ónimderin tutynady. Bunyń ishinde Reseı osy ýaqytqa deıin jylyna 200 myńnan astam tonna makorondy ımporttap keldi. Toqtala ketetin jaıt, Italııanyń premer-mınıstri bir sózinde makaronnyń eń jaqsy ónimi qazaqstandyq bıdaıdan daıyndaýǵa bolatynyn aıtqan edi», dedi A. Evnıev.
Sonymen birge, vıtse-mınıstr Keden odaǵy aıasynda et pen et ónimderin eksporttaý áleýetine de toqtalyp ótti. Onyń sózine qaraǵanda, et óndirýdegi basty ónim de astyq daqyldary bolyp tabylady. Máselen, 1 tonna et óndirý úshin shamamen 7 tonnadaı astyq daqyldary qajet. «Sondyqtan da, Qazaqstannyń Reseıge 2014 jylǵa qaraı 60 myń tonnaǵa jýyq et jetkizýi úshin de aýqymdy astyq óndirý qajet etiledi. ıAǵnı, bul da qazaqstandyq aýyl sharýashylyǵy taýarlaryn óndirýshiler úshin jańa múmkindiktiń bir joly bolyp otyr», dedi A. Evnıev.
