Kedendik qunyn tómen kórsetip, salyq tóleýden jaltarǵan kásipkerler anyqtaldy

NUR-SULTAN. QazAqparat - Kedendik qunyn 10 esege deıin tómen kórsetip, 22,6 mln teńge salyq tóleýden jaltarǵan kompanııalar anyqtaldy, dep habarlaıdy QazAqparat.

Memlekettik kirister komıtetiniń málimetinshe, qazaqstandyq kompanııa Qytaıdan quny 41,8 myń dollar bolatyn sharýashylyq taýarlaryn ımporttaǵan. Alaıda, kórshiles eldiń bas kedendik basqarmasynyń deregine sáıkes, ol taýardyń quny 171,4 myń dollardy quraıdy.

«Osylaısha, bul kompanııa kedendik qunyn 4 esege nemese 129,6 myń dollarǵa tómendetken. Óndirip alynýy tıis kedendik tólemder men salyqtardyń somasy 12 mıllıon teńgeden astam somany qurady. Sol sııaqty, taǵy bir kompanııa 241 myń dollar turatyn mata taýarynyń kedendik qunyn 24 myń dollar dep kórsetken. Sáıkesinshe taýar quny 10 esege tómendegen. Óndirip alynýy tıis kedendik tólemder men salyqtardyń somasy – 22,6 mln teńge», - dep jazdy vedomstvo.

Keden zańnamasyn buzýshylyqtyń taǵy bir mysaly – jeke kásipker ishki mıkroshemalary joq teledıdar korpýstary atyn jamylyp, SMART TV fýnktsııasy bar LED teledıdarlaryn ákelgen. Bunyń da anyq-qanyǵy QHR keden basqarmasynyń aqparattaryn salystyrý kezinde belgili bolǵan.

Memlekettik kirister komıeti jyl basynan beri taýarlardyń kedendik qunyn tómendetý faktileri boıynsha qosymsha 9,4 mlrd teńge óndirilgenin jetkizdi.