Kedendik baqylaý komıtetinde Qazaqstannyń tranzıttik shama-sharqy talqylandy

ASTANA. 5 sáýir. QazAqparat - Búgin QR Qarjy mınıstrliginiń Kedendik baqylaý komıteti «Atameken Odaǵy» QUEP-pen birigip, bıznes qaýymdastyqtary ókilderiniń qatysýymen kedendik-salyqtyq ákimshilendirýdi jetildirý boıynsha Qoǵamdyq-konsýltatıvtik keńestiń kezekti otyrysyn ótkizdi. Bul týraly QR QM KBK baspasóz qyzmetinen habarlandy.

Keńes otyrysynda Qazaqstan Respýblıkasynyń kóliktik-logıstıkalyq ortalyqtary men tranzıttik shama-sharqyn damytý boıynsha jáne taýarlardyń kedendik baqylaýdan bastap, kedendik tazalaýdan keıingi kezeńderine ekpin berý máseleleri sóz boldy.

Kezdesý aıasynda «GTI» kompanııasynyń ótkizý pýnktterindegi ınfraqurylymdardy basqarý men jańashalandyrý tájirıbesi qaraldy. Keńeske qatysýshylarǵa Astana qalasynda salynatyn ıntermodeldi logıstıkalyq ortalyq kesheni («EAT» kompanııasy) men kóliktik-logıstıkalyq ortalyqtar («EUROTRANSIT TERMINAL» kompanııalary) qurylysynyń jobasy tanystyryldy. Jobalardyń mańyzdysy sol, «EHRO-2017» Halyqaralyq kórmesiniń Qazaqstanda ótýi aldynda kompanııalar tarapynan usynylatyn bolady.

Komıtet tóraǵasy Keńeske qatysýshylarǵa keden organdary tarapynan kedendik-salyqtyq ákimshilendirýdi jetildirý sharalary boıynsha jospardy taratý jáne Keden odaǵynyń keden shekarasynan ótý kezindegi kedendik-ákimshilik kedergilerdi qysqartý boıynsha atqarylyp jatqan jumystar týraly aıtyp berdi.

Qazirgi tańda elimizdiń tranzıttik shama-sharqyn damytý, halyqaralyq saýdaǵa tıgizer septigi kóp mańyzdy máselelerdiń biri. Osynyń arqasynda Ońtústik-Soltústik, Shyǵys-Batys baǵyttaryndaǵy kontınentaldy jáne transkontınentaldy tranzıttiń iske asýyna buǵan qosa, Qazaqstannyń aýmaǵy arqyly qazirgi zamannyń magıstraldy júıesi qalyptasatyn bolady.

Mamandardyń aıtýynsha Kóliktik-logıstıkalyq ortalyqtardy damytý shekaralyq aýmaqtardaǵy turǵyndardy eńbekpen qamtıdy, sonymen qatar qazaqstandyq júk tasymaldaıtyn júkkólikterdi halyqaralyq tasymaldaýǵa qoldaný deńgeıin kóteredi.

Keden odaǵynyń keden shekarasynan júk ótkizý barysyn tezdetý úshin QR QM Kedendik baqylaý komıteti men TLO jobalaryn júzege asyryp júrgen kompanııalar arasynda ózara yntymaqtastyq memarandýmyna qol qoıylǵan.