Kedendik baqylaý komıteti attestattaýdan óte almaǵan qyzmetkerlermen «qosh» aıtyspaq
ASTANA. 11 mamyr. QazAqparat - Kedendik baqylaý komıteti attestattaýdan óte almaǵan qyzmetkerlerimen «qosh» aıtysady.
Bul týraly búgin elordada ótkizilgen brıfıng barysynda QR Qarjy mınıstrligi Kedendik baqylaý komıteti tóraǵasynyń orynbasary Amanııaz Erjanov málim etti.
Onyń atap ótýinshe, kezekten tys attestattaýdan óte almaǵan keden organdarynyń qyzmetkerleri jumystarynan bosatylady. Bul rette komıtet jumystan bosaǵan mamandaryn basqa qyzmetke ornalasýyna qol ushyn beretin bolady ári bul baǵyttaǵy jumystardy qolǵa alýda. Jalpy komıtet qyzmetkerlerin attestattaýdan ótkizýdi jyl sońyna deıin aıaqtaýdy josparlaýda.
Attestattaý barysynda qyzmetkerlerdiń fızıkalyq daıyndyǵyna da nazar aýdarylatyn bolady.
«Egerde fızıkalyq daıyndyq kezeńinen tipti semiz qyzmetkerler de ótetin bolsa, onda olar qyzmetin odan ári jalǵastyrady. Al eger olar óte almaı qalsa - attestattalmaıdy. Mundaı adamdar keden organdarynan shyǵarylady», - dedi ol.
