Kedendik baqylaý komıteti 7 avtofýra men 9 temirjol vagondaryna tıelgen kontrabandalyq taýarlardy ustady

ASTANA. 23 qańtar. QazAqparat - Kedendik baqylaý komıteti 7 avtofýra men 9 temirjol vagondaryna tıelgen kontrabandalyq taýarlardy bir ýaqytta ustady. Bul týraly búgin brıfıng barysynda atalǵan vedomstvonyń ókili Erden Juma málim etti.

Onyń atap ótýinshe, operatsııalar bastalar aldynda Túrkııanyń keden organdarymen birlesip, osy elden ákelinetin taýarlarda taldaý jumystary júrgizilgen. ıAǵnı, Túrkııa men Qazaqstannyń kedendik deklaratsııalary salystyrylyp, nátıjesinde taýarlar kórsetilgen málimetterde aıtarlyqtaı aıyrmashylyqtar bar ekendigi anyqtalǵan.

«Júrgizilgen taldaý men qolda bar jedel aqparattar taýarlar kontrabandasymen uıymdasqan qylmystyq top aınalysqandyǵyn kórsetti. Bul top músheleri turaqty shemamen áreket etken. Olardyń basty maqsaty kedendik tólemder men salyqtardy tóleýden jaltarý boldy», - dedi ol.

Bólim bastyǵynyń aıtýynsha, jedel izdestirý barysynda janama fırmalar qurý men jalǵan qujattar qoldaný arqyly birneshe jyl taýarlar kontrabandasymen aınalysqan qylmystyq toptyń belsendi músheleri anyqtaldy. Qylmystyq shemany jasyrý maqsatynda olar bir-birinen keıin quryp, qysqa merzimdi qyzmetinen keıin toqtatyp otyrǵan. Kontrabandalyq taýarlar Qazaqstannyń ár túrli aımaqtaryna ákelinip, ol jerlerde jalǵan qujattarmen kedendik rásimdeýden ótken.

«Qabyldanǵan sharalardyń nátıjesinde jedel qyzmetkerler 7 avtofýra men 9 temirjol vagondaryna tıelgen kontrabandalyq taýarlardy bir ýaqytta ustady. Kontrabandalyq taýarlardyń jalpy kedendik quny 116 mln. teńgeni, al tólenbegen kedendik tólemder men salyqtar túrindegi memleketke keltirilgen zalal 23 mln. teńgeni qurady», - dedi E.Juma.