Kedendik aıyppul AEK-pen emes, deklaratsııalanbaǵan taýar qunynyń somasymen esepteledi

NUR-SULTAN. QazAqparat –QR Qarjy mınıstri Erulan Jamaýbaev Úkimet otyrysynda kedendik aıyppuldardy aılyq eseptik kórsetkishpen emes, deklaratsııalanbaǵan taýar qunynyń somasymen esepteý jolǵa qoıylatynyn málim etti, dep habarlaıdy QazAqparat tilshisi.

«Budan basqa, shekara mańyndaǵy temirjol stantsııalarynda «Qazaqstan temir joly» men Memlekettik kirister komıteti arasyndaǵy bıznes-protsesterdi jeńildetý, sondaı-aq Memlekettik kirister komıteti, «Qazaqstan temir joly» jáne Ulttyq qaýipsizdik komıteti aqparattyq júıelerin ıntegratsııalaý josparlanǵan», -dedi vedomstvo basshysy.

Mınıstr Eýrazııalyq ekonomıkalyq odaq elderinen qytaı taýarlaryn ákelý máselesine jeke toqtaldy.

«Qyrǵyz tarapymen Qazaqstanǵa ákelinetin taýarlar boıynsha málimetter almasý jáne taýarǵa ilespe qujattarda durys kórsetilýi jóninde kelissóz júrip jatyr.

Qyrǵyzstan men Reseıden ákelinetin taýarlardyń tizbesin keńeıtý josparlanyp otyr. Olarǵa Eýrazııalyq ekonomıkalyq odaq elderinen qosylǵan qun salyǵyn tóleýdiń

tolyqtyǵyn qamtamasyz etý úshin baǵanyń eń tómengi deńgeıin baqylaý qoldanylatyn bolady.

Ýákiletti ekonomıkalyq operatorlarǵa qoıylatyn biliktilik talaptary zańnamalyq túrde kúsheıtilý josparlanýda.

Sondaı-aq, keden salasyndaǵy buzýshylyqtar úshin ákimshilik jaýapkershilik kúsheıtiledi. Munda aılyq eseptik kórsetkishpen aıyppuldyń ornyna deklaratsııalanbaǵan taýarlar somasyna protsenttik qatynastaǵy aıyppul engizý kózdeledi», -dedi Erulan Jamaýbaev.