Kedendik ákimshilendirý: Barlyq ýákiletti operatorlar kóldeneń monıtorıng júıesine qosylady

NUR-SULTAN. QazAqparat – Qarjy mınıstri Erulan Jamaýbaev Úkimet otyrysynda ýákiletti ekonomıkalyq operatorlardyń eseptik júıelerine qol jetkizý úshin olardy kóldeneń monıtorıng júıesine qosý josparlanyp otyrǵanyn aıtty, dep habarlady QazAqparat tilshisi.

«Kedendik ákimshilerdirýdi jaqsartý sheńberinde ýákiletti operatorlarǵa qoıylatyn talaptar kúsheıtiledi. Barlyq ýákiletti ekonomıkalyq operatorlardyń eseptik júıelerine qol jetkizý úshin olar kóldeneń monıtorıng júıesine qosylatyn bolady. Jalpy keden salasyndaǵy zańbuzýshylyqtyr úshin jaýapkershilikti qatańdatý boıynsha sharalar qabyldanady. Jaqynda múddeli memlekettik organdarmen birlesip, memlekettik shekaradaǵy tártipti qamtamasyz etý úshin keshendi tekserý júrgiziledi», - dedi mınıstr.

Vedomsvto basshysynyń sózine qaraǵanda, keıingi bes jylda Qytaı Halyq respýblıkasymen aıqyn statıstıka boıynsha alshaqtyqtar 60 protsentten 40,4 protsentke deıin tómendegen.

«Qytaı Halyq respýblıkasymen jáne basqa da eldermen kedendik statıstıkanyń alshaqtyqtaryn qysqartý boıynsha jumys jalǵastyrylady», - dedi Erulan Jamaýbaev.