Kedende elektrobıldi qalaı rásimdeýge bolady

ASTANA. QazAqparat - Qazaqstan Respýblıkasynyń azamatyna 1 elektromobıldi kedendik bajdardy jáne salyqtardy tóleýden bosata otyryp, jeke paıdalaný úshin ákelýine ruqsat berilgen. Bul týraly Memlekettik kirister komıtetine silteme jasap, QazAqparat habarlaıdy.

Bul Eýrazııalyq ekonomıkalyq komıssııa keńesiniń 2017 jylǵy 20 jeltoqsandaǵy № 107 «Jeke paıdalanýǵa arnalǵan taýarlarǵa baılanysty jekelegen máseleler týraly» sheshiminiń 3-qosymshasynyń 9-tarmaǵynda qarastyrylǵan.

»Qazaqstan Respýblıkasy azamatynyń jeke basyn kýálandyratyn qujatyn, menshik quqyǵyn rastaý, kólik quralyn qoldaný sondaı-aq taýarǵa ilespe qujattardy usyna otyryp (CMR, TKQ, ınvoıs, KQP), jolaýshylar keden deklaratsııasyn óz qolymen toltyryp, kedendik rásimdeýden ótý úshin, keden beketiniń ınspektoryna júgine alady. Sonymen qatar, deklaratsııany tapsyrýǵa jáne toltyrýǵa, deklaratsııa blankisin alý úshin eshqandaı aqshalaı tólem qajet emes», - dep túsindirdi vedomstvodan.

Bul rette, azamatqa osy elektromobıldi kedendik tazartý ýaqytynan bastap 3 jyl ishinde Reseı Federatsııasynyń azamattyǵy nemese Reseı Federatsııasynyń turaqty turǵylyqty jeri bar tulǵalarǵa ıelený, paıdalaný, bılik etý quqyǵyn berýge tyıym salynady.