«KEDEN» júıesi qosylǵannan beri 5 myńǵa jýyq zań buzý anyqtaldy

Qarjy mınıstrliginiń Memlekettik kirister komıteti 2026 jylǵy 11 sáýirde kedendik rásimderdi avtomattandyrý jáne memlekettik qyzmetterdi kórsetý kezinde adamı faktordy barynsha azaıtý sheńberinde «KEDEN» aqparattyq júıesi iske qosylǵanyn habarlaıdy.

Júıe iske qosylǵannan beri 44 000-nan astam taýar deklaratsııasy óńdeldi.

Táýekelderdi basqarý júıesi boıynsha táýekelder bolmaǵan jaǵdaıda deklaratsııalardy berýdiń ortasha ýaqyty nebári 2–3 mınýt. Júıe táýekelderdi anyqtaǵan jaǵdaıda zańnamaǵa sáıkes qosymsha kedendik tekserýler júrgiziledi.

— Júıe iske qosylǵaly beri 4 980 zań buzýshylyq anyqtalyp, nátıjesinde bıýdjetke qosymsha 2,7 mıllıard teńge kedendik tólemder óndirildi, — delingen habarlamada.

Medıtsınalyq taýarlardy kedendik resimdeýge qatysty keıbir suraqtar týyndady.

Osylaısha, QQS-tan bosatylǵan 3000-nan astam medıtsınalyq maqsattaǵy buıymdardyń tizbesi bar (Qazaqstan Respýblıkasy Úkimetiniń 2025 jylǵy 31 jeltoqsandaǵy № 1203 qaýlysy) jiktelýi úshin Memlekettik kirister komıteti men Densaýlyq saqtaý mınıstrligi arasynda qosymsha konsýltatsııalar júrgizý qajettiligine baılanysty medıtsınalyq ónimniń bireýin (plazmadan alynǵan S1 ıngıbıtory) tirkeý protsesi uzaqqa sozyldy.

Іstelgen jumystardyń nátıjesinde QQS tóleýden bosatý tolyq kólemde berilip, deklarant tarapynan Memlekettik kirister komıtetine ótinishter men shaǵymdar túsken joq. Bul oqıǵa oqshaýlanǵan jáne «KEDEN» júıesiniń jumysyna qatysy joq.

«KEDEN» aqparattyq júıesindegi barlyq qajetti anyqtamalyqtar ýaqytyly jańartyldy.

Sondaı-aq, zaýyt qurylysyna qajetti qurylys materıaldaryn kedendik resimdeý kezinde «Komponenttiń rettik nómiri» jolyn toltyrýǵa qatysty másele týyndady.

Eýrazııalyq ekonomıkalyq komıssııanyń 2023 jylǵy 30 mamyrdaǵy № 75 sheshimine sáıkes bul jolaqta úsh tsıfrlyq tańbadan aspaýy kerek.

Syrtqy ekonomıkalyq qyzmetke qatysýshydan ótinish kelip túskennen keıin Memlekettik kirister komıteti osy ashyq joldyń sany ulǵaıtý týraly jedel sheshim qabyldady.

Atalǵan jaǵdaı tek eki syrtqy saýda qatysýshysyna áser etti, qazirgi ýaqytta qajetti tehnıkalyq jetildirýler aıaqtaldy.

— Jeke shottarda aqsha qarajaty bolǵan kezde taýarlardy shyǵarýdan bas tartýǵa qatysty jekelegen jaǵdaılarda syrtqy saýdaǵa qatysýshylardyń derbes shottarynda aqsha qarajatynyń bolmaýyna baılanysty bas tartý keden zańnamasyna sáıkes zańdy túrde jasalǵany anyqtaldy.

Osylaısha, zańsyz bas tartý týraly aqparat shyndyqqa janaspaıdy. «KEDEN» aqparattyq júıesiniń jumys isteýine baılanysty sebepter boıynsha deklaratsııadan bas tartylǵan jáne jeke shotynda qarajat bolǵan jaǵdaıda salyq tóleýshi esepten shyǵarylǵan qarajatty qaıtarý úshin belgilengen tártippen Qarjy mınıstrliginiń Memlekettik kirister komıtetine júginýge quqyly ekenin atap ótken jón.

«KEDEN» AJ iske qosylǵannan beri Eksport fýnktsııasy boıynsha 7080 deklaratsııa shyǵaryldy, onyń ishinde 108 deklaratsııa nemese 1,5% kedendik tekserýden ótti. Barlyq tekserýler táýekelderdi basqarý júıesi aıasynda jáne keden zańnamasyn qatań saqtaı otyryp júrgizildi, — delingen habarlamada.

Osylaısha, «KEDEN» aqparattyq júıesi qalypty jumys istep, týyndaǵan máseleler jedel túrde sheshiledi. Barlyq kedendik rásimder qoldanystaǵy zańnamaǵa sáıkes júzege asyrylady jáne ashyqtyqty, zańdylyqty qamtamasyz etýge, memlekettiń ekonomıkalyq múddelerin qorǵaýǵa baǵyttalǵan.