Keden zańnamasyn buzǵany úshin qylmystyq jáne ákimshilik jaýapkershiliktiń erekshelikteri týraly shart qabyldandy - Senat
TANA. 24 qarasha. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Keden odaǵynyń jáne Keden odaǵyna múshe memleketterdiń keden zańnamasyn buzǵany úshin qylmystyq jáne ákimshilik jaýapkershiliktiń erekshelikteri týraly shartty ratıfıkatsııalaý týraly» zańyn qabyldady.
Atalǵan shart Keden odaǵy aýmaǵynda keden isi salasynda qylmys pen ákimshilik quqyq buzýshylyq jasaǵan adamdardy qylmystyq nemese ákimshilik jaýapqa tartý qaǵıdattaryn zertteıdi jáne tártibin aıqyndaıdy. Máselen, qujatqa sáıkes Keden odaǵynyń keden aýmaǵynda ákimshilik quqyq buzýshylyq jasaǵan adam sol quqyq buzýshylyǵy anyqtalǵan memlekettiń zańnamasy boıynsha jaýapqa tartylady. Al, ákimshilik is júrgizý ákimshilik jaýaptylyqqa tartylǵan taraptyń zańnamasy boıynsha júrgiziledi. Sondaı-aq, Keden odaǵy aýmaǵyndaǵy keden salasynda jasalǵan qylmystyq is qylmystyń jasalǵan jeri boıynsha, al qylmystyń jasalǵan jerin aıqyndaý múmkin bolmaǵan jaǵdaıda qylmystyń ashylǵan jeri boıynsha qozǵalady. Adam bundaı qylmysty birneshe taraptyń aýmaǵynda jasaǵan bolsa, sońǵy áreket jasaǵan jeri qylmys jasaǵan oryn bolyp esepteledi.
