Keden shekarasy arqyly ótkiziletin taýarlardyń kedendik qunyn aıqyndaýǵa qatysty kelisim zańmen bekitilmek
ASTANA. Jeltoqsannyń 25-i. QazAqparat /Aıdyn Báımen/ - Úkimet Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrý tártibi týraly kelisimdi bekitýdi kózdeıtin zań jobasyn Májiliske usyndy,
dep habarlaıdy QazAqparat.
Máskeý qalasynda 2008 jyly jeltoqsannyń 12-sinde ótken Eýrazııalyq ekonomıkalyq qoǵamdastyqtyń Memleketaralyq Keńesi otyrysynyń sheńberinde Qazaqstan Respýblıkasy, Belarýs Respýblıkasy jáne Reseı Federatsııasy Keden odaǵynyń quqyqtyq bazasyn qalyptastyrýǵa baǵyttalǵan halyqaralyq sharttarǵa qol qoıyldy. Olardyń qatarynda Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrý tártibi týraly kelisim bar.
2008 jylǵy qańtardyń 25-indegi Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaý týraly kelisimniń negizinde Kelisimde Eýrazııalyq ekonomıkalyq qoǵamdastyq sheńberinde Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrýdyń negizgi erejeleri aıqyndalady. Olardyń negizinde Keden odaǵynda kedendik quqyqtyq qatynastardy retteıtin Keden odaǵyna qatysýshy memleketterdiń halyqaralyq sharttary qalyptastyrylady.
Kelisim Dýshanbe qalasynda 2007 jylǵy qazannyń 6-synda qol qoıylǵan Keden odaǵynyń sharttyq-quqyqtyq bazasyn qalyptastyrýǵa baǵyttalǵan halyqaralyq sharttardyń kúshine ený, olardan shyǵý jáne olarǵa qosylý tártibi týraly hattamaǵa sáıkes kúshine enedi.
Kelisimniń 5-babyna sáıkes taýarlardyń kedendik qunyn túzetý jáne tóleýge jatatyn kedendik bajdardy, salyqtardy qaıta sanaý Keden odaǵyna qatysýshy memleketterdiń halyqaralyq sharttarynda belgilengen tártippen jáne nysandar boıynsha júzege asyrylady.
Zań jobasyn qabyldaý Qazaqstan Respýblıkasynyń halyqaralyq mindettemelerin oryndaý úshin quqyqtyq negiz jasaıdy.
Zańdy iske asyrý Qazaqstannyń memlekettik bıýdjetinen qosymsha qarjy shyǵyndaryn talap etpeıtini atap ótilgen.
