Keden organdarynyń laýazymdy tulǵalaryna qatysty tórt qylmystyq is qozǵaldy
«Kedendik baqylaý komıteti taldaý jáne tekserý nátıjesi boıynsha 2013 jyly QHR-dan Almaty oblysy boıynsha KBD-niń qyzmet aımaǵyna halyq tutynatyn taýarlardy jetkizgen tórt kompanııanyń kedendik tólemderdi tóleýden jaltarý faktisin anyqtady. Tekserý barysynda kompanııalarda memleket bıýjetine taýarlardy kedendik tazartý kezinde kedendik tólemderdi jasamaý saldarynan qalyptasqan 1 mlrd. 900 mln. teńgeden astam bereshegi belgili boldy. Búginde onyń 1 mlrd. 400 mln. teńgesi óndirildi», - dedi ol.
Bul faktiler boıynsha Kontrabandaǵa qarsy kúres basqarmasy 4 qylmystyq is qozǵady.
«KBK-nyń Іshki qaýipsizdik basqarmasy keden organdarynyń laýazymdy tulǵalaryna qatysty laýazymdyq ókilettilikterin teris paıdalanýy faktisi boıynsha tórt qylmystyq is qozǵady», - dedi E.Juma.
Qylmystyq ister Almaty oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentine tergeýge berildi. Atalǵan qylmystyq isterdi tergeý aıasynda vedomstvoaralyq jedel tergeý tobyn qurý týraly másele sheshilýde.
