Keden organdarynyń 818 qyzmetkeri kezekten tys attestattaýdan ótedi
Bul týraly búgin elordada ótkizilgen brıfıng barysynda QR Qarjy mınıstrligi Kedendik baqylaý komıteti tóraǵasynyń orynbasary Amanııaz Erjanov málim etti.
Atalǵan komıtette keden organdarynyń qyzmetkerlerin kezekten tys attestattaýdan ótkizý boıynsha jumystar júrgizilgendigin atap ótken ol: «Memleket basshysynyń sheshimine sáıkes atalǵan kezekten tys attestattaý quqyq qorǵaý blogynyń bólimshelerinde laýazymdy qyzmetter atqaratyn tulǵalarǵa ǵana qatysty bolady. ıAǵnı, olar qyzmetine ekonomıkalyq qylmyspen, sybaılas jemqorlyqpen, kontrabandamen, esirtki zattary men qarý-jaraqtyń zańsyz aınalymymen kúresetin adamdar. Jalpy alǵanda 818 adam attestattaýdan ótedi. Bul jeke quramnyń shamamen 15 paıyzyn quraıdy», - dedi.
Sonymen qatar onyń atap ótýinshe, Úkimettiń sheshimi negizinde keden organdarynyń qyzmetkerlerin attestatsııadan aıyrý protsedýrasy ótkiziledi. Bul rette qaýlymen, keden organdarynyń formalyq kıimin kıip, pagonyn taǵý quqyǵy saqtalatyn laýazymdardyń tizbesi anyqtalady. Oǵan quqyq qorǵaý blogy bólimshesiniń qyzmetkerleri jatady. Al qyzmetkerlerdiń kelesi, naqty aıtqanda 5 myń qyzmetkeri atalǵan shara aıaqtalǵannan keıin keden organdarynyń formalyq kıimin kımeıdi ári pagonyn taqpaıtyn bolady.
