Keden organdary jyl basynan beri 124 mln.teńgeden artyq somadaǵy deklaratsııalanbaǵan valıýta tárkiledi

ASTANA. 30 qazan. QazAqparat - Qazannyń 21 men 27 aralyǵynda Qazaqstan Respýblıkasynyń keden organdary jedel jáne qyzmettik is-qımyldardyń nátıjesi boıynsha 9 qylmystyq, 83 -ákimshilik is qozǵaldy. Qozǵalǵan qylmystyq is boıynsha taýarlardyń quny -128 062 130 teńgeni qurady. 1 777 737 teńge aıyppul óndirildi, dep habarlady QR Qarjy mınıstrligi Kedendik baqylaý komıtetiniń baspasóz qyzmetinen.

Jambyl oblysy boıynsha Kedendik baqylaý departamentiniń qyzmetkerleri 2013 jylǵy 21 qazanda ekonomıkalyq kontrabanda faktisi boıynsha qylmystyq is qozǵady. «Órik» taýary retinde kórsetilgen avtomobıldi tekserý kezinde kedendik baqylaýdan jasyrylyp, zańsyz ótkizilgen kedendik quny 6 565 379 teńgeni quraıtyn, jalpy salmaǵy 18 150 kg «úırek keýdesi» deklaratsııalanbaǵan taýar-eti salynǵan qorap anyqtaldy.

2013 jylǵy 21 qazanda Almaty qalasy boıynsha Kedendik baqylaý departamentiniń qyzmetkerleri valıýtany zańsyz ótkizý faktisi boıynsha «Almaty-Amsterdam» baǵytymen ushyp kele jatqan Nıderland koroldiginiń azamatyna qatysty qylmystyq is qozǵady, odan kedendik tekserý júrgizý kezinde keden ornay deklaratsııalanbaǵan 22 370 Eýro somasyndaǵy shetel valıýtasyn anyqtady jáne aldy. Barlyǵy 2013 jylǵy 9 aıda keden organdary 124 mln.teńgeden artyq valıýta aldy.

2013 jylǵy 25 qazanda Almaty qalasy boıynsha Kedendik baqylaý departamentiniń qyzmetkerleri kedendik tólemder men salyqtardy tóleýden jaltarý faktisi boıynsha qoǵamdyq qor basshylaryna qatysty qylmystyq is qozǵady.

Kedendik tólemder men salyqtardy tólemeý túrindegi keltirilgen zalaldyń somasy 89 533 180 teńge quraıdy.

2013 jylǵy 23 qazanda Almaty oblysy boıynsha Kedendik baqylaý departamentiniń qyzmetkerleri Keden odaǵy aýmaǵyna salmaǵy 21,93 gramm «geroın» esirtki quralyn jáne 200 gramm trotıl ekvıvalentinde jáne «trotıl túıirshigin» kontrabandalyq jolmen ákelý faktisi boıynsha qylmystyq is qozǵady.