Keden organdary ótken jyly taýar kontrabandasyna qatysty 645 qylmystyq is qozǵady

ASTANA. 23 qańtar. QazAqparat - Keden organdary ótken jyly taýar kontrabandasyna qatysty 645 qylmystyq is qozǵady.

Bul týraly búgin brıfıng barysynda QR QM Kedendik baqylaý komıtetiniń bólim bastyǵy Erden Juma málim etti.

«2013 jyly keden organdary quny 10 mlrd. teńgeden asatyn taýar kontrabandasyna qatysty 645 qylmystyq is qozǵady. Budan bólek jalpy salmaǵy 244,8 kelini quraıtyn ár túrli esirtki zattarynyń zańsyz aınalymynyń 50 faktisin anyqtady», - dedi ol.

Sondaı-aq E.Jumanyń atap ótýinshe, ótken jyly 13342 ákimshilik is qozǵalyp, olar boıynsha memleketke keltirilgen zalal 1 mlrd. teńgege jetken.

«Kedendik baqylaý komıtetiniń Kontrabandaǵa qarsy kúres basqarmasy kontrabandanyń basqa da iri syzbalaryn anyqtaýǵa baǵyttalǵan jumystardy osy jyly da jalǵastyratyn bolady», - dedi bólim bastyǵy.