Keden odaǵynyń veterınarlyq-sanıtarlyq sharalar týraly kelisimine ózgeris engizildi
ASTANA. 10 aqpan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «2009 jylǵy 11 jeltoqsandaǵy Keden odaǵynyń veterınarlyq-sanıtarlyq sharalar jónindegi kelisimine ózgerister engizý týraly hattamany ratıfıkatsııalaý týraly» QR zańyn qabyldady.
Parlament qabyldaǵan zań Memleket basshysynyń qol qoıýyna jiberiledi.
Esterińizge sala keteıik, atalǵan hattamanyń 1-babyna sáıkes ýákiletti organdar qajet bolǵan kezde jáne ózara ýaǵdalastyq boıynsha Keden odaǵynyń kedendik aýmaǵyna janýarlardyń, onyń ishinde adam men janýarlarǵa ortaq juqpaly aýrýlar qozdyrǵyshtarynyń jáne veterınarlyq talaptarǵa sáıkes kelmeıtin taýarlardyń ákelýinen qorǵaýdy qolǵa alýy tıis. Osyǵan baılanysty, bir tarap memleketiniń aýmaǵynan ekinshi tarap memleketiniń aýmaǵyna ótkiziletin baqylaýdaǵy taýarlardy óndirýdi, qaıta óńdeýdi jáne saqtaýdy júzege asyratyn uıymdar men adamdarǵa birlesken tekserister júzege asatyn bolady.
Hattamaǵa 2009 jylǵy 11 jeltoqsanda Sankt-Peterbor qalasynda qol qoıylǵan bolatyn.
