Keden odaǵynyń sharýashylyq sýbektileri keleshekte úsh eldiń kez-kelgeninde taýarlardy kedendik resimdeı alady
nbsp; ASTANA. Aqpannyń 11-i. QazAqparat - Kedendik odaqtyń Keden kodeksi keleshekte úsh eldiń sharýashylyq sýbektilerine Odaqtyń kez-kelgen elinde taýarlardy kedendik resimdeýden ótkizý quqyǵyn berýdiń múmkindigin qarastyrýda.
Bul týraly Mınskide ótken Belarýs ǵylymı-ónerkásiptik qaýymdastyǵynyń respýblıkalyq dırektorlar keńesiniń májilisinde memlekettik kedendik baqylaý vedomstvosynyń kedendik baqylaýdy uıymdastyrý bólimi bastyǵynyń orynbasary Sergeı Goshko málim etti. Ol keńeste sharýashylyq sýbektileriniń Keden odaǵy jaǵdaıyndaǵy 2010 jylǵy qyzmetteri talqylandy, dep habarlaıdy BELTA agenttigi.
Ázirge bul norma Kedendik kodeksten tys shyǵarylyp otyr jáne ol jeke halyqaralyq kelisimshartpen qaralatyn bolady. Qazirgi tańda jáne 2010 jyly shildeniń 1-inde Keden kodeksi kúshine engennen keıin kedendik resimdeý sharýashylyq sýbektileriniń tirkelgen jerleri boıynsha jasalady.
Keden kodeksiniń kúshine enýimen baılanysty birqatar uǵymdar da ózgeretin bolady. Bul jerde kúshi toqtatylǵaly otyrǵan kedendik rejım týraly sóz bolyp otyr, Kodeks kúshine engennen keıin kedendik protsedýra kúshine enetin bolady. Erkin kedendik aýmaqtyń kedendik rejımi men erkin qoıma rejımi de kodeksten tys qaralatyn bolady. Bul rejımderdiń mártebesi jekelegen memleketaralyq kelisimdermen anyqtalatyn bolady. «Erkin ekonomıkalyq aýmaqtardyń rezıdentteriniń qyzmet kórsetýler naryǵyndaǵy oıyn erejeleri keıinirek anyqtalady», dep naqtylady Sergeı Goshko óz sózinde.
Degenmen, Kedendik kodekste: eger halyqaralyq shart kúshine enbese, erkin ekonomıkalyq aýmaqtyń rezıdenti jumys istep jatqan eldiń ulttyq zańnamasynyń kúshi saqtalatyny qadap aıtylyp otyr.
Sergeı Goshko ótken jyly qarashanyń 27-sinde Mınskide qol qoıylǵan Kedendik odaqtyń Keden kodeksi týraly kelisimsharttyń 2010 jyly shildeniń 1-inen bastap kúshine enetinin taǵy da eske salyp ótti.
