Keden Odaǵynyń ósimdikter karantınine qatysty qujat Senattyń jalpy otyrysynda talqylanatyn boldy
ANA. 5 qańtar. QazAqparat /Aıdar Ospanalıev/ - Búgin Parlament Senatynyń Agrarlyq máseleler jáne qorshaǵan ortany qorǵaý komıtetiniń keńeıtilgen otyrysynda «2009 jylǵy 11 jeltoqsandaǵy Keden Odaǵynyń ósimdikter karantıni týraly kelisimine ózgerister men tolyqtyrýlar engizý týraly hattamasyn ratıfıkatsııalaý týraly» Qazaqstan Respýblıkasy Zańynyń jobasyn talqylady.
Otyrystan soń atalmysh qujatqa qatysty jýrnalısterge suhbat bergen Aýyl sharýashylyǵy vıtse-mınıstri Marat Orazaevtyń aıtýynsha, karantındik kelisimshart týraly zań 2010 maýsym aıynda ratıfıkatsııalanǵan. Búgingi kúni osy zańǵa ózgerister engizý týraly hattama daıyndalyp, engizildi. «Bul hattamada basty úsh ózgeris qarastyrylyp otyr. Onyń birinshisi, Kedendik Odaq aımaǵyndaǵy shet elderge ónim shyǵarǵan kezde ár memleket óziniń ulttyq zańnamasy men sol ónimdi shyǵaratyn eldiń zańnamasyn basshylyqqa alady. Ekinshi ózgeris, Kedendik Odaq aýmaǵyndaǵy rásimdeý máselesi jeńildetiledi. ıAǵnı, burynǵy karantındik sertıfıkattyń ornyna Kedendik Odaqtyń talaptary qoıylady. Bul talaptar ókiletti organdardyń ınternet-resýrstarynda jáne Eýrazııalyq qoǵamdastyqtyń aqparattyq bazalarynda kórinis tabýy kerek», - dedi vıtse-mınıstr.
Sondaı-aq úshinshi talap boıynsha karantındik sertıfıkat budan bylaı tek óte qaýipti degen ósimdik sharýashylyǵyndaǵy ónimderge ǵana beriledi. «Qaýipti bolyp tabylatyn ónimderdiń tizbesi Kedendik Odaq taraptarymen bekitilip qoıylǵan. Qujat kedendik rásimdeý jumystaryn aıtarlyqtaı jedeldetedi», - dedi M.Orazaev.
Depýtattar qujatty jan-jaqty talqylaı kele ony jalpy otyrysta qaraıtyn bolyp sheshti.
