Keden odaǵynyń ósimdikter karantıni týraly kelisimine engizilgen ózgerister qabyldandy - Parlament
ASTANA. 6 qańtar. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «2009 jylǵy 11 jeltoqsandaǵy Keden odaǵynyń ósimdikter karantıni týraly kelisimine ózgerister men tolyqtyrýlar engizý týraly hattamasyn ratıfıkatsııalaý týraly» Qazaqstan Respýblıkasy Zańyn qabyldady.
Keden odaǵynyń ósimdikter karantıni týraly kelisimge 2009 jylǵy 11 jeltoqsanda Sankt-Peterbor qalasynda EýrAzEQ memleketaralyq keńesi qol qoıǵan. Bul qujat Keden odaǵynyń fıtosanıtarlyq qaýipsizdik salasyndaǵy negiz qalaýshy normatıvtik quqyqty akti bolyp tabylady.
Qujattyń basty maqsaty - karantınge jatqyzylǵan ónimdi keden odaǵynyń kedendik aýmaǵyna ákelý kezinde ákimshilik kedergini azaıtý bolyp tabylady. Sonymen qatar qabyldanǵan zań boıynsha taýarlar men kólik quraldaryn keden odaǵynyń kedendik shekarasy arqyly ótkizý rásimin ońaılatý sharalary qamtamasyz etiledi. Jalpy, hattamada negizgi úsh ózgeris qarastyrylyp otyr. Onyń birinshisi, Kedendik odaq aýmaǵyndaǵy shetelderge ónim shyǵarǵan kezde ár memleket óziniń ulttyq zańnamasy men sol ónimdi shyǵaratyn eldiń zańnamasyn basshylyqqa alady. Ekinshi ózgeris, Kedendik odaq aýmaǵyndaǵy rásimdeý máselesi jeńildetiledi. ıAǵnı, burynǵy karantındik sertıfıkattyń ornyna Kedendik odaqtyń talaptary qoıylady. Úshinshi másele - karantındik sertıfıkat budan bylaı tek óte qaýipti degen ósimdik sharýashylyǵyndaǵy ónimderge ǵana beriledi.
Parlament qabyldaǵan qujat Memleket basshysynyń qol qoıýyna jiberiledi.
