Keden odaǵynyń kedendik aýmaǵynda sáıkestikti mindetti baǵalaýǵa jatatyn ónimniń aınalymy týraly kelisim zańmen bekitilmek
STANA. Naýryzdyń 27-si. QazAqparat - Úkimet «Keden odaǵynyń kedendik aýmaǵynda sáıkestikti mindetti baǵalaýǵa (rastaýǵa) jatatyn ónimniń aınalymy týraly kelisimdi ratıfıkatsııalaý týraly» zań jobasyn Májilistiń qaraýyna usyndy,
dep habarlaıdy QazAqparat.
Osy Kelisimdi ratıfıkatsııalaý Keden odaǵynyń kedendik aýmaǵynda ónimniń erkin aınalymyn qamtamasyz etý úshin jaǵdaılar jasaýǵa jáne kedendik aýmaǵyna ákelý tártibin anyqtaýǵa jáne sáıkestikti mindetti túrde baǵalaýǵa (rastaýǵa) jatatyn ónimderdi Taraptar memleketteriniń aýmaqtary arasynda tasymaldaýǵa múmkindik beredi.
Kelisim biryńǵaı kedendik aýmaqqa ákelinetin sákestigin mindetti túrde baǵalaýǵa jatatyn ónimge, sondaı-aq bir Tarap memleketiniń aýmaǵynan basqa Taraptar memleketteriniń aýmaǵyna tasymaldanatyn ónimge qatysty bolady.
Zań jobasyn qabyldaý qajettiligi ónimniń sáıkestigin mindetti túrde baǵalaý jónindegi jumystardyń nátıjelerin, ıaǵnı belgili bir sharttar saqtalǵan kezde synaq hattamalary men sáıkestik sertıfıkattaryn ózara moıyndaýdy kózdeıdi.
Kelisim atalǵan ónimge EýrAzEQ tehnıkalyq reglamenti kúshine engenge deıin ónimge qatysty qoldanylady.
Budan basqa, Kelisim Sáıkestik sertıfıkattarynyń biryńǵaı nysanyn jáne sáıkestik týraly deklaratsııalardy belgileýdi kózdeıdi.
Osylaısha, sáıkestik sertıfıkatynyń biryńǵaı nysanyn qoldanysqa engizgenge deıin oǵan qatysty birdeı mindetti talaptar sertıfıkattaýdyń nysandary men shemalary belgilengen.
Kelisim EýrAzEQ Memleketaralyq Keńesiniń 2009 jylǵy jeltoqsannyń 11-indegi sheshimimen qabyldandy.
