Keden odaǵynyń Qazaqstanǵa bereri kóp - sarapshy pikiri
STANA. Naýryzdyń 27-si. QazAqparat - Keden odaǵynyń Qazaqstanǵa bereri barshylyq. Ekonomıka salasyndaǵy tanymal otandyq sarapshy Qanat Berentaev osylaı deıdi.
Q.Berentaevtyń pikirine silteme jasaǵan Gazeta.kz basylymynyń habarlaýynsha, oń máselelerdiń qatarynda, birinshi kezekte, kólik tarıfterin biregeılendirý múmkindigi tur. Bul ıgi shara Qazaqstanǵa óz eksporttyq júkterin reseı jáne belarýs aýmaqtary arqyly álemdik naryqtarǵa tranzıttik tasymaldaýdyń shyǵynyn edáýir qysqartýǵa múmkindik beredi. Bizdiń elimiz seriktesteriniń aldyna bul máseleni birazdan beri qoıyp keledi, endi jospar júzege asyryla alady jáne sonyń nátıjesinde otandyq taýarlarymyzdyń eýropalyq naryqtardaǵy baǵa básekesi arta túspek. Jekelegen júkter boıynsha tarıfter eki jáne odan da kóp esege tómendeýi múmkin, deıdi sarapshy.
KSRO ydyryǵannan keıin ónerkásiptegi úzilip qalǵan tehnologııalyq tizbekterdi jandandyrý da ekonomıkaǵa naqty úles bolmaq. Oǵan qosa, Ýkraınada ótken prezıdenttik saılaýdyń nátıjesi de Keden odaǵyna oń áser etetin túri bar. Jańa Prezıdent Vıktor ıAnýkovıchtiń tarapynan bildirilgen postkeńestik keńistikpen ekonomıkalyq qarym-qatynastardy damytýǵa degen resmı nıet Biryńǵaı ekonomıkalyq keńistik ıdeıasyn qaıta jandandyrýǵa úmit berip otyr.
Sarapshynyń paıymdaýynsha, Keden odaǵy Ýkraınanyń esebinen keńeıýi de múmkin. Sonda Odaq elderi álemdik naryqqa shyǵýǵa bolatyn aýqymdy jáne pármendi ǵylymı-tehnologııalyq áleýetke ıe bola alady.
