Keden odaǵynyń ishki shekaralarynda júk tasymaldanǵan kezdegi kedergilerdi az ýaqyt ishinde joıý kerek
MÁSKEÝ. Qyrkúıektiń 22-si. QazAqparat / Narymbek Samǵulov/ - Keden odaǵy Komıssııasynyń 12-shi otyrysynyń qorytyndylary boıynsha qatysýshylar Keden odaǵynyń ishki shekaralarynda júk jáne saýda tasymaldanǵan kezde kezdesetin kedergilerdi az ýaqyt ishinde joıý kerektigin atap ótti.
RF birinshi vıtsı-premeri Igor Shývalov habarlaǵandaı, Belarýs, Reseı jáne Qazaqstannyń ortaq shekaralarynda qalyptasyp otyrǵan jaǵdaı úshjaqty keńestiń kún tártibindegi eń ózekti másele bolyp qalmaq.
QR Premer-Mınıstriniń birinshi orynbasary Ómirzaq Shókeev aıtyp ótkendeı, úsh el arasyndaǵy keden úderisteri sońǵy ýaqytta birshama jeńildengen, alaıda birqatar máselelerdiń sheshimi áli tabylǵan joq. «Osyǵan baılanysty kedergilerdi alyp tastaý úshin bizdiń shekara qyzmetimizdiń, Kedendik komıtettiń, bıznes-qaýymdastyqtardyń ókilderi qatysatyn beınemájilis uıymdastyramyz», - dedi ol.
