Keden odaǵynyń aýmaǵyndaǵy shekaradaǵy kedendik beketterdiń alynýy janar-jaǵar maı baǵasynyń kúrt ósýine ákelmeıdi - Á. Maǵaýov
ALMATY. 24 naýryz. QazAqparat /Erlik Erjanuly/ - Aǵymdaǵy jyldyń 1 shildesinen bastap Keden odaǵy aýmaǵynda shekaradaǵy kedendik beketter alynady. Bul týraly búgin Almatyda ótip jatqan 6-Halyqaralyq munaı óńdeý, munaı hımııasy jáne munaı ónimderiniń «KazRefinEx-2011» sımpozıýmynda aıtyldy.
«Keden beketteri alynǵan soń munaı ónimderi baǵasynda kúrt ósim bolmaıdy dep josparlap otyrmyz. Degenmen, munaı ónimderiniń baǵasyna álemdik naryq óz áserin tıgizýi múmkin. Qazir Pavlodar munaı-hımııa zaýyty brend markaly munaıdy Reseıden satyp alady. Eger brend budan ary qarqyndy túrde ósetin bolsa biz rentabeldilikti saqtaý úshin salyqtyq saıasat tetikterin júrgizýge májbúr bolamyz», - deıdi QR Munaı jáne gaz vıtse-mınıstri Áset Maǵaýov.
Onyń aıtýynsha, munaı óńdeý zaýytyn otandyq shıkizatpen qamtý úshin munaı qubyrlaryn tartý kerek. Bul jerde barlyq másele qubyrdyń qýatyna kelip tirelýde. Sondaı-aq Keden odaǵyna kiretin elderde janama salyqtar boıynsha salyqtyq konıýktýra saqtalyp qaldy. Sol sebepti baǵanyń kúrt ózgerisin boldyrmas úshin Sibir munaıyn Pavlodarǵa ákelý kezinde dál sondaı kólemdegi shıkizatty Qazaqstannan Reseıdiń munaı óńdeý zaýyttaryna jetkizý jaıy da nazardan tys qalmaıdy.
