Keden odaǵynyń aýmaǵynda sáıkestikti mindetti baǵalaýǵa jatatyn ónimniń aınalymy týraly kelisim maquldandy - Májilis
áýirdiń 14-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda «Keden odaǵynyń kedendik aýmaǵynda sáıkestikti mindetti baǵalaýǵa (rastaýǵa) jatatyn ónimniń aınalymy týraly kelisimdi ratıfıkatsııalaý týraly» zań jobasy maquldandy,
dep habarlaıdy QazAqparat.
Kelisim sáıkestikti mindetti baǵalaýǵa jatatyn, biryńǵaı kedendik aýmaqqa ákeletetin ónimge, sondaı-aq bir memlekettiń aýmaǵynan ekinshi memlekettiń aýmaǵyna aýystyrylatyn ónimge qatysty qoldanylady. Sonymen birge, osyndaı ónimge arnalǵan EýrAzEQ-tyń tehnıkalyq reglamenti kúshine engenge deıin ónimge qatysty qoldanylady.
Kelisimdi iske asyrý maqsatynda Keden odaǵynyń sertıfıkattaý jónindegi organdary men synaq zerthanalarynyń biryńǵaı tizilimi qalyptastyrylady. Biryńǵaı tizilimdi qalyptastyrý men júrgizý tártibin Keden odaǵynyń komıssııasy belgileıdi. Budan bólek, sáıkestik sertıfıkattary men sáıkestik deklaratsııalarynyń biryńǵaı nysanyn Keden odaǵynyń komıssııasy anyqtaıtyn bolady.
Qujatqa 2009 jyldyń jeltoqsanynda Sankt-Peterbor qalasynda qol qoıylǵan.
Májilis maquldaǵan zań jobasy Parlament Senatyna jiberiledi.
