Keden odaǵyndaǵy ishki kedendik protsedýralardy toqtatý týraly saıası sheshim maýsym aıynda qabyldanýy kerek - S.Glazev
STANA. Naýryzdyń 31-i. QazAqparat - Belarýs, Reseı jáne Qazaqstan premer-mınıstrleri maýsym aıynda ótetin EýrAzEQ-tyń Memleketaralyq keńesiniń májilisinde Keden odaǵyna qatysýshy elderdiń arasyndaǵy ishki kedendik protsedýralardyń toqtatylýy týraly saıası sheshim qabyldaýy kerek.
Bul týraly Keden Odaǵy Komıssııanyń jaýapty hatshysy Sergeı Glazev seısenbi, naýryzdyń 30-ynda Máskeýde «Keden odaǵy: quqyqtyq qamtamasyz etý jáne damý joldary» degen taqyrypty arqaý etken «dóńgelek ústel» otyrysynda málim etti, dep habarlaıdy BELTA agenttigi.
Sergeı Glazevtiń aıtýynsha, qazirgi tańda Keden odaǵynyń Kedendik kodeksin tolyqtyra túsetin 17 qujattan turatyn kelisimder toptamasy ázirlenýde. Bul kelisimder sáýirdiń 16-synda ótetin Keden Odaǵy Komıssııasynyń otyrysynda qaralmaq. Oǵan qosa, eksporttyq jáne ımporttyq baj salyqtaryn bólisý týraly kelisim de sol májilistiń qaraýyna shyǵarylmaq. Úsh eldiń premer-mınıstrleri bul qujattar toptamasyn mamyr aıynda bekitedi dep josparlanýda.
