Keden odaǵynda tamyz aıynda qant shıkizaty ımportynyń baj salyǵy 140 dollar/tonnaǵa deıin kóteriledi
TANA. 22 shilde. QazAqparat - Keden odaǵynda 1 tamyzdan bastap qant shıkizaty ımportynyń baj salyǵy 140 dollar/tonnaǵa deıin kóteriledi, qazirgi baǵa 85 dollar/tonna. Bul týraly Reseıdiń Federaldyq keden qyzmetiniń hatynda aıtylǵan, dep habarlaıdy BELTA agenttigi.
Nıý-Iork taýarly-shıkizat bırjasynda (NYMEX) baj salyǵyn esepteý úshin qoldanylatyn qant shıkizatynyń ortasha aılyq baǵasy, 2011 jyldyń maýsym aıynda 574,65 dollar/tonnany quraǵan. Bul 1 tonna úshin 140 dollar baj salyǵy stavkasyna saı keledi.
2011 jyldyń naýryzynan bastap maýsym aıyna deıingi aralyqta qant shıkizatynyń ımporttyq baj salyǵy 50 dollar/tonnany quraǵan bolatyn, al maýsym aıynda 85 dollar/tonnaǵa deıin kóterildi. 140 dollar mólsherindegi stavka 2010 jyldyń qazan aıynan bastap 2011 jyldyń aqpan aıyna deıingi aralyqta saqtaldy.
Qant qyzylshasynyń oraǵy qarsańynda, 2011 jyldyń tamyz aıynan bastap Keden odaǵynda qant naryǵynyń qorǵanys tetigin kúsheıtetin baj salyǵynyń jańa baǵamy kúshine engeli otyr. Oǵan sáıkes qant shıkizaty ımportynyń baj salyǵynyń mınımaldy mólsheri 140 dollar/tonnany, eń joǵarǵy kórsetkishi -270 dollar/tonnany quraıtyn bolady.
