Keden odaǵyna múshe memleketterdiń Keden qyzmetteriniń birlesken alqasyn qurý týraly shartqa qol rásimi aıaqtalýǵa jaqyn

Búgin QR Parlamenti Senatynyń jalpy otyrysynda «2007 jylǵy 6 qazandaǵy Keden odaǵynyń komıssııasy týraly shartqa ózgerister men tolyqtyrýlar engizý týraly hattamany ratıfıkatsııalaý týraly» QR zań jobasy boıynsha baıandaǵan QR Syrtqy ister mınıstriniń orynbasary Qaırat Sarybaı osylaı málim etti.

Ózgerister engizilgen hattamaǵa sáıkes, Keden odaǵy komıssııasynyń sheshimi naqty 30 kún ishinde kúshine enedi degen qaǵıda kiriktirildi. Sonymen qatar, qujat boıynsha kezek kúttirmeıtin jaǵdaılar úshin basqa merzimdi anyqtaý múmkindigi qarastyrylǵan. Bul keı kezderi naryq talabyna sáıkes jedel sheshim tabý tetigi bolyp tabylady. Budan bólek, sharttyń 6-baby jekelegen Keden komıssııasyna jekelegen máseleler boıynsha Odaqqa múshe memleketterdiń usynystaryn qaraý jáne ustanymdaryn kelisý, sondaı-aq Komıssııaǵa tıisti usynystar ázirleý úshin keńesshi organdar qurý boıynsha quqyq berilgen.

«Búgingi tańda Keden odaǵy aıasynda mynadaı keńesshi organdar jumys atqarýda: syrtqy saýdany retteý jónindegi komıtet, tehnıkalyq retteý, sanıtarlyq-veterınarlyq jáne fıtosanıtarlyq sharalardy qoldaný jónindegi úılestirýshi komıteti. Budan bólek Keden odaǵyna múshe memleketter Keden qyzmetteriniń birlesken alqasyn qurý týraly shartqa qol rásimi aıaqtalýǵa jaqyn», - deıdi Q. Sarybaı. Onyń aıtýynsha, zań teris áleýmettik, ekonomıkalyq, quqyqtyq jáne saıası saldarǵa ákep soqtyrmaıdy.