Keden odaǵyna qosylý - Qyrǵyzstan úshin óte mańyzdy másele - Roza Otynbaeva
BRıÝSSELЬ. 2 naýryz. QazAqparat /Dımash Syzdyqov/ - Belarýs, Qazaqstan jáne Reseıdiń Keden odaǵyna qosylý - Qyrǵyzstan úshin óte mańyzdy másele.
Bul týraly Qyrǵyz Prezıdenti Roza Otynbaeva Brıýssel saparynyń qorytyndysy boıynsha jýrnalısterge bergen suhbatynda málim etti.
«Bul jol (Keden odaǵyna qosylý - red.) biz úshin óte mańyzdy. Bizdi qatarǵa tartyp otyr degen durys shyǵar, sebebi Qyrǵyzstanda óndiriletin barlyq ónim Qazaqstan men Reseı naryqtaryna baǵyttalǵan. Jumys kúshteri men kapıtaldar da osy elderge baǵyttalyp otyr (Qazaqstan men Reseı baǵytyna - red.)», - dedi Qyrǵyz Prezıdenti.
Roza Otynbaeva sondaı-aq, Keden odaǵy qurylǵanǵa deıin Qyrǵyzstan Qytaı taýarlary Qazaqstan men Reseı naryqtaryna ótetin tranzıttik el bolǵanyn aıtyp ótti. Jáne Qyrǵyzstannyń Qytaı sııaqty, Dúnıejúzilik saýda uıymynyń múshesi retinde bul tranzıtten belgili bir tabys alyp kelgenin aıtty. "Biraq Keden odaǵy qurylǵannan keıin «taýardy aparatyn jer joq» bolyp qaldy", - deıdi R.Otynbaeva.
«Keden odaǵy qurylǵaly beri Qazaqstan burynǵydaı ashyq emes, sondyqtan da biz úshin Keden odaǵyna qosylý máselesi týyndap otyr. Reseı Dúnıejúzilik saýda uıymyna tezirek qosylsa, jaqsy bolar edi. Múmkin sonda, qandaı da bir ózgerister bolar», - deıdi Qyrǵyz Prezıdenti.
