Keden odaǵyna kirgenge deıin eń lıberaldy tarıftik saıasat Qazaqstanda boldy
/strong>Mamyrdyń 18-i. QazAqparat /Erlik Erjanuly/ - Keden odaǵy elderindegi naryqqa halyqtyń beıimdelýi 1-2 jylǵa sozylady.
Ony Ekonomıkalyq zertteýler ınstıtýty prezıdentiniń mindetin atqarýshy Jámıla Bopıeva búgin Almatyda ótip jatqan «Kedendik odaq elderi: daǵdarys jáne daǵdarystan keıingi qalpyna kelý» dep atalatyn dóńgelek ústel májilisi kezinde aıtty.
«Keden odaǵyna kirmesten buryn, eń lıberaldy tarıftik saıasat Qazaqstanda boldy. Importtyq tarıftik alymdar Qazaqstanda - 6,2 paıyz, al Reseıde - 10,6 paıyz deńgeıinde edi. Sondyqtan ózge 2 elge qaraǵanda eń ashyq naryq bizdiki. Eger ımportty taldasaq, bizde onyń 38 paıyzy Reseıden, 70 paıyzy Kedendik odaqtan tys elderden keledi. Endi Kedendik odaqtan tys elderden ımporttalatyn taýarlar azdap qymbattaıdy. Olarda ınflıatsııaǵa áser etetin taýarlyq pozıtsııalar asa kóp emes. Olar kóbinese kıimder, kosmetıka, sandyq apparatýralar, dári-dármekpen baılanysty», deıdi Jámıla Bopıeva. Onyń aıtýynsha, osy qymbat taýarlardy bizdiń satyp alýshylarda tańdaý bar. Eger syrttan kelgen taýarlar tym qymbat bolsa, olardyń ornyna Belarýs pen Reseıden kelgen taýarlardy satyp ala alady. Árıne olar arzandaý bolǵanmen sapasy keıbir pozıtsııalarda tómendeý. Bul qazaqstandyq taýar óndirýshilerge múmkinshilik beredi.
«Eger Keden odaǵy elderinde óndiriletin taýarlardyń sapasy tómen, al syrt elderdiń ónimderi qymbat bolsa, memleket kómektesetin bolsa bizdiń taýar óndirýshilerimiz bul óndiristi jyldam ózimizde óndire alady. Keden odaǵy tolyq iske qosylǵan kezde bizdiń tarıf te kóteriledi. Ol ınflıatsııaǵa óz áserin tıgizedi. Degenmen 1-2 jyldan keıin naryqqa halyq ta beıimdeletin bolady», deıdi Ekonomıkalyq zertteýler ınstıtýty prezıdentiniń mindetin atqarýshy Jámıla Qadyrqyzy.
