Keden odaǵyna kiretin elderdiń naryqtary 600 mılıard dollarǵa baǵalanady
SANKT-PETERBOR. Tamyzdyń 4-i. QazAqparat /Elena Mıagkova/ - Reseı Federatsııasy Esep palatasynyń alqasy «Keden odaǵyn qurý jónindegi negizgi is-sharalardyń júzege asyrylýyn jáne Birtutas keden aýmaǵyn qurýdaǵy Belarýs Respýblıkasy,
Qazaqstan Respýblıkasy jáne Reseı Federatsııasynyń arasyndaǵy ózara is-qımyldy retteıtin qujattardyń ázirlenýin taldaý» jumystarynyń qorytyndysyn qarady.
RF Esep palatasynyń Aqparat departamentinen habarlaǵandaı, keden odaǵyn qurý - 167 mıllıondaı halqy bar birtutas naryqty bildiredi. Odaqqa kiretin úsh eldiń jalpy birtutas ónimi 1385 mıllıard dollardy quraıdy. Al jalpy naryqtarynyń aýqymy 600 mıllıard dollarǵa baǵalanýda. Keden odaǵyn qurýdaǵy mańyzdy faktor - Birtutas ekonomıkalyq keńistikke aýysýdyń tuǵyrnamasyn jasaý.
Esep komıtetinde qaralǵan taldaý qujattary, 2010 jyldyń shilde aıynyń 1-indegi jaǵdaı boıynsha Birtutas keden aýmaǵyn qurýdyń birinshi kezeńiniń mindetteri, atap aıtqanda qajetti quqyqtyq sharttardy jasaý, kedendik-tarıftik jáne tarıftik emes retteýdiń biryńǵaı júıesin qoldaný jáne kedendik retteýdiń biregeılendirilgen normalaryn qoldaný mindetteri oryndalǵanyn kórsetip otyr.
Alqa otyrysynda, sondaı-aq Keden odaǵynyń biryńǵaı kedendik tarıfteri Reseı Federatsııasynyń kedendik tarıfiniń stavkalaryna 82 paıyzǵa saı keletini atap kórsetildi. Reseı úshin jalpy ımporttyń 10 paıyzynan astamynyń ǵana stavkalary tómendetilse, kedendik baj salyqtarynyń stavkasy 350 pozıtsııa boıynsha (jalpy ımporttyń 3 paıyzy) kóterildi.
Oǵan qosa, 2010 jyldyń І toqsanynda bıýdjetke syrttan ákelinetin taýarlardan túsetin kedendik baj salyǵy, byltyrǵy jyldyń sáıkes kezeńimen salystyrǵanda 5,3 paıyzǵa tómendedi jáne 100,2 mıllıard rýbldi qurady, deıdi mamandar. Ótken jyldyń sáıkes kezeńmen salystyrǵanda, bıyl І toqsanda kedendik baj salyǵy stavkalarynyń ózgerýimen baılanysty bıýdjetke túspeı qalǵan kiris 158 mıllıon dollarǵa baǵalanýy múmkin.
Degenmen, eksporttyq baj salyǵy boıynsha qysqa merzimge joǵaltylǵan kiris yqpaldastyqtan týyndaıtyn ekonomıkalyq belsendiliktiń artýynyń arqasynda salyq salynatyn bazanyń keńeıýi esebinen óteletin bolady, deıdi sarapshylar.
RF Esep komıtetiniń alqasy saraptamalyq-analıtıkalyq is-sharalardyń qorytyndysy boıynsha taldaýlaryn Reseı Úkimetine jáne RF Federaldyq Jınalysynyń palatalaryna joldaý týraly sheshim qabyldady.
