Keden odaǵyna arnalǵan poshta markasy shyǵaryldy
TANA. 21 qyrkúıek. QazAqparat /Gúlmıra Alıakparova/ - «Qazposhta» Eýrazııa ekonomıkalyq qaýymdastyǵynyń Keden odaǵyna arnalǵan poshta markasyn shyǵardy. Bul týraly «Qazpochta» AQ-dan habarlady.
Shyǵarylǵan marka jotaly perforatsııaly, tórt tústi boıaýly ofsettik tásilmen shyǵarylǵan. Sýretshisi - Danııar Muhamedjanov. Ataýly baǵasy 32 teńge, kólemi 28 h 30 mm, taralymy 50 myń dana. Qazaqstan, Reseı jáne Belarýs elderi arasynda Kedendik odaqtyń qurylýyna oraı shyǵarylǵan poshta markasy ulttyq poshta operatorynyń fılatelııalyq toptamasyndaǵy 764-shi marka. Markada EýrAzEQ-tyń logotıpi men qazaq jáne orys tilderindegi mátindik qurylymy beınelengen.
Poshta markasyn saltanatty túrde engizý EýrAzEQ «Keden odaǵy jáne Biryńǵaı ekonomıkalyq keńistik jaǵdaıyndaǵy bıznes» atty halyqaralyq forým sheńberinde ótkizý kózdelip otyr.
Aıta keteıik, Keden odaǵynyń markasy halyqaralyq uıymnyń qyzmetine arnalǵan alǵashqy marka emes, 2011 jylǵy maýsym aıynda Qazpochta EýrAzEQ-tyń 10 jyldyǵyna arnalǵan mereıtoılyq poshta markasyn shyǵarǵan bolatyn. Onymen birge, ulttyq poshta operatorynyń toptamasynda Birikken Ulttar uıymy (BUU), Azııadaǵy ózara is-áreket jáne senim sharalary jónindegi keńes (AÓSShK), Eýropadaǵy qaýipsizdik jáne yntymaqtastyq uıymy (EQYU), Shanhaı yntymaqtastyq uıymy (ShYU), Azııa jáne Tynyq muhıt elderi úshin BUU ekonomıkalyq jáne áleýmettik komıssııasy (BUU ATMEÁK) qyzmetteriniń mereıtoılyq kúnderine oraı shyǵarylǵan markalar bar.
Alǵashqy kúngi óshirý - poshta markasynyń týǵan kúni retinde atap ótiletin fılatelııa álemindegi erekshe oqıǵa. Keden odaǵyna arnalǵan marka shyǵarylatyn kúnge oraı dızaıner Nıkolaı Sokolov Óshirýdiń alǵashqy kúniniń arnaıy mórqalybyn jasady. Ústimizdegi jylǵy 22 qyrkúıekte Almaty qalasynda ótetin markany saltanatty túrde óshirý rásimine EýrAzEQ-nyń Bas hatshysy Taır Mansurovpen «Qazposhta» AQ-nyń basqarma tóraǵasy Arken Arystanov qatyspaq.
