Keden odaǵy jáne Biryńǵaı ekonomıkalyq keńistik qurý aıasynda 96 tehnıkalyq reglament ázirlendi

Bul týraly búgin elordada ótip jatqan TMD-nyń Standarttaý, metrologııa jáne sertıfıkattaý jónindegi memleketaralyq keńesi Ǵylymı-tehnıkalyq komıssııasynyń 23-shi otyrysy barysynda QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Ryskeldi Sátbaev aıtty.

«Ózderińiz biletindeı, Qazaqstan Kedendik odaqty qalyptastyrý jáne onyń negizinde Belarýs, Qazaqstan, Reseı aýmaǵynda biryńǵaı ekonomıkalyq keńistik qurý boıynsha jumystarǵa belsendi qatysýda. Qazirgi tańda respýblıkada 96 tehnıkalyq reglament qabyldandy», - dedi ol.

Onyń atap ótýinshe, Kedendik odaq komıssııasymen sáıkestikti baǵalaý salasynda birqatar qujattar qabyldanýda. Qazirgi ýaqytta alǵashqy kezekti tehnıkalyq reglamentterdiń tizbesi aıqyndalǵan. Oǵan shamamen 47 tehreglament ataýy kirip otyr.

Ólshem birligin qamtamasyz etý salasyndaǵy kelisilgen saıasatty júrgizý, memleketaralyq kelisimderdi iske asyrý boıynsha ulttyq organdardyń qyzmetin úılestirý maqsatynda ótkizilip otyrǵan alqaly jıynǵa Ázirbaıjan, Armenııa, Belarýs, Grýzııa, Reseı, Túrikmenstan, Ózbekstan elderiniń tehnıkalyq retteý jáne metrologııa salasyndaǵy ulttyq organdarynyń qyzmetkerleri qatysýda.