Keden odaǵy týraly BAQ-ta sońǵy 4 aıda 5897 materıal jaryq kórdi - QR Tuńǵysh Prezıdenti qorynyń atqarýshy dırektory
ALMATY. Sáýirdiń 27-si. QazAqparat /Erlik Erjanuly/ - Keden odaǵy týraly BAQ-ta jaryq kórgen materıaldardyń 36,3 paıyzy beıtarap boldy. Bul búgin Almatyda ótip jatqan IH Eýrazııalyq medıa forýmda «Keden odaǵy: máseleler men múmkindikter» dep atalatyn dóńgelek ústel jıynynda aıtyldy,
dep habarlaıdy QazAqparat.
Ony QR Tuńǵysh Prezıdenti janyndaǵy Álemdik ekonomıka jáne saıasat ınstıtýty uıymdastyrdy. Oǵan Qazaqstan, Reseı jáne Belarýs memleketteriniń quzyrly organ basshylary, sarapshylar jáne dıplomatııalyq qyzmet ókilderi qatysty.
«2009 jyldyń qarashasy men 2010 jyldyń sáýiri aralyǵynda BAQ-ta Keden odaǵy týraly 5897 materıal jaryq kórdi. Bul jalpy aqparat tasqynynyń 3,9 paıyzyn quraıdy. Olardyń 2604-i merzimdi basylymdarda (44 paıyz), 3035-i ınternet basylymdarda (52 paıyz), al 258-i telearnalardyń aqparattyq shyǵarylymdarynyń (4 paıyz) úlesine tıedi», deıdi QR Tuńǵysh Prezıdenti qorynyń atqarýshy dırektory Bektas Muhamedjanov. Onyń aıtýynsha, bul materıaldardyń 36,3 paıyzynda Keden odaǵynyń jaǵymdy jaqtary, 28,5 paıyzynda jaǵymsyz tustary aıtylsa, 35,2 paıyzynda beıtarap baǵyt ustanylǵan.
