Keden odaǵy TMD keńistigindegi yqpaldastyq úderisterdiń tartýshy kúshi bolady - Sergeı Mıronov
ÁSKEÝ. Naýryzdyń 31-i. QazAqparat /Narymbek Ysmaǵulov/ - Keden odaǵy jaqyn keleshekte Dostastyq elderiniń shoǵyrlanýynyń lokomotıvine aınalady jáne Biryńǵaı ekonomıkalyq keńistikti qurýǵa qoldaý kórsetedi.
Bul týraly seısenbi, naýryzdyń 30-y kúni Máskeýde «Keden odaǵy: quqyqtyq qamtamasyz etý jáne damý joldary» degen taqyrypta ótken «dóńgelek ústel» otyrysynyń barysynda RF Federaldy Jınalysy Federatsııa Keńesiniń tóraǵasy Sergeı Mıronov málim etti.
«Búginde osy taqyrypqa qatysty kóp ústirtin oılar men paıymdaýlar aıtylýda. Kóp jaǵdaıda saıası motıvter, sondaı-aq elderimizdiń arasyn ajyratýǵa tyrysyp otyrǵan túrli kúshterdiń talpynystary yqpaldastyqty tejep otyr. Biraq ta bul postkeńestik keńistikte birinshi ret, is júzinde jol jetkizilip otyrǵan yqpaldastyq úderis», dedi S.Mıronov óz sózinde.
Ol sondaı-aq jaqyn keleshekte Keden Odaǵyna basqa da elderdiń, eń aldymen EýrAzEQ elderiniń, sondaı-aq Ýkraınanyń qosylatynyna senim bildirdi.
«Taıaý bolashaqta Keden odaǵy Dostastyq elderiniń shoǵyrlanýynyń lokomotıvine aınalady jáne Biryńǵaı ekonomıkalyq keńistikti qurýǵa qoldaý kórsetedi dep sanaımyn», dep túıindedi óz sózin Federatsııa Keńesiniń basshysy.
