Keden odaǵy óz tıimdiligin dáleldedi - K.Másimov
SK. 20 mamyr. QazAqparat /Qanat Qulshymanov/ - Qazaqstan, Reseı jáne Ýkraına arasyndaǵy Keden odaǵy óz tıimdiligin dáleldedi, dep málim etti QR Úkimet basshysy Kárim Másimov.
«Meniń oıymsha, bizdiń jańa birlestigimiz - Keden odaǵy búginniń ózinde óz tıimdiligin dáleldedi, kásipkerlerimiz ben azamattarymyz úshin shyn máninde paıda ákeldi», - dedi K.Másimov keshe Mınskidegi Úkimet basshylary deńgeıindegi Keden odaǵy Joǵary organynyń otyrysy sońynan ótken baspasóz máslıhaty barysynda.
Úkimet basshysy atap ótkendeı, Qazaqstan úshin 2011 jyldyń 1 shildesinen bastap elder arasyndaǵy kedendik shekaralar syrtqy kontýrǵa ketetindigi mańyzdy bolyp tabylady. «Bul kásipkerlerimiz úshin jaqsy múmkindik, ekijaqty qarym-qatynas pen saýdany damytý úshin beriletin múmkindik», - dedi K.Másimov.
Premerdiń aıtýy boıynsha, eki jyl buryn Keden odaǵyna múshe elder osyndaı kórsetkishterge qol jetkizedi degenge senim joq edi. «Alaıda búgin biz ol nátıjelerge jettik», - dep túıindedi sózin QR Premer-Mınıstri.
