Keden odaǵy kúshine engennen bastap, qoldanysta bolǵan avtokólikterdiń baǵasy kóterilýi múmkin
ASTANA. Jeltoqsannyń 21-i. QazAqparat /Rýslan Ǵabbasov/ - QR Qarjy mınıstrligi Kedendik baqylaý komıteti tóraǵasynyń orynbasary Igor Tenniń pikirinshe, Keden odaǵy kúshine engennen bastap jeti jyldan joǵary, ıaǵnı qoldanysta bolǵan avtokólikterdiń baǵasy kóterilýi múmkin.
Bul týraly ol búgin Astanada Keden odaǵynyń jańa kedendik kodeksin tanystyrý kezinde ótken brıfıngte málim etti, dep habarlaıdy QazAqparat.
«Bul kúrdeli másele. Biz osyǵan baılanysty zertteý jumystaryn júrgizdik. Atap aıtqanda, Reseıde avtokólikterge baj salyǵy joǵary. Biraq, memleket ishinde jańa kólikterdi satý baǵasy arzandaý»,-dedi ol.
Shyǵarylǵan merzimi jeti jyldan joǵary, ıaǵnı paıdalanylǵan avtokólikterdiń baǵasy joǵarylaýy múmkin ekenine toqtalǵan I. Ten «al jańa kólikter boıynsha ázirge aıta almaımyn», dedi.
Aıta keteıik, 2010 jyldan bastap Qazaqstan, Reseı jáne Belarýs arasynda biryńǵaı kedendik tarıf kúshine enetin bolady.
