Keden odaǵy komıssııasy sanıtarııalyq-epıdemıologııalyq qadaǵalaýǵa jatatyn ónimderdiń qaýipsizdigin rastaıtyn qujattar merzimin uzartty
ASTANA. 28 jeltoqsan. QazAqparat /Aıdar Ospanalıev/ - «Keden odaǵy Komıssııasynyń sanıtarııalyq-epıdemıologııalyq qadaǵalaýǵa jatatyn ónimderdiń qaýipsizdigin rastaıtyn qujattardyń áreket etý merzimin uzartý týraly sheshimi kúshine endi»,
dep habarlaıdy Densaýlyq saqtaý mınıstrliginiń baspasóz qyzmeti.
2011 jylǵy 15-shi jeltoqsanynda Keden odaǵy Komıssııasynyń 2011 jylǵy 9 jeltoqsandaǵy №888 sheshimi kúshine endi. Onda Keden odaǵy músheleriniń taraptary bergen sanıtarııalyq-epıdemıologııalyq qadaǵalaýǵa jatatyn ónimderdiń (taýarlardyń) qaýipsizdigin rastaıtyn qujattardyń (memlekettik tirkeý týraly kýálik, sanıtarııalyq-epıdemıologııalyq qorytyndy) qoldanys merzimin 2011 jylǵy 1 qańtarǵa deıin uzartý kózdelgen.
Ónimderdiń (taýarlardyń) qaýipsizdigin rastaıtyn qujattardyń qoldanysy «eger ózgesi ony qoldaný týraly Keden odaǵynyń tehnıkalyq reglamentinde belgilenbese, tıisti tehnıkalyq reglamentter kúshine engenge deıin» uzartyldy. Osylaısha, Keden odaǵynyń kedendik aýmaǵynda (memlekettik tirkeýge jatatyn) taýarlardyń biryńǵaı tizbesiniń ІІ bólimine engizilgen baqylaýdaǵy taýarlardy ákelý úshin taraptardyń ýákiletti organdary bergen memlekettik tirkeý týraly kýálikten basqa, 2010 jylǵy 1 shildeden bastap buryn berilgen qujattar (memlekettik tirkeý týraly kýálik jáne sanıtarııalyq-epıdemıologııalyq qorytyndy) negiz bolyp tabylady. Osy qujattar taraptardyń ýákiletti organdary rásimdegen jáne Keden odaǵynyń sanıtarııalyq sharalar jónindegi kelisimi kúshine engenge deıin berilgen ónimderdiń (taýarlardyń) qaýipsizdigin rastaıdy jáne olardy bergen taraptardyń aýmaǵynda ǵana qoldanysta bolady.
Bul qujattar olarda kórsetilgen merzim sheginde, biraq eger ózgesi ony qoldaný týraly Keden odaǵynyń tehnıkalyq reglamentinde belgilenbese, tıisti tehnıkalyq reglamentter kúshine engennen bastap keshiktirmeı qoldanylady. Soǵan baılanysty, tehnıkalyq reglamentter kúshine engenge deıin sanıtarııalyq-epıdemıologııalyq qadaǵalaýǵa jatatyn jáne Taýarlardyń (ónimniń) biryńǵaı tizbesiniń ІІ bólimine engizilgen ónimge 2010 jyldyń 1 shildesine deıin ruqsat etý qujattary berilgen taýarlardy qaıta tirkeý júrgizý qajet.
