Keden odaǵy kedendik ákimshilikteri kadrlyq qyzmetteriniń ókilderi oqý úderisindegi jańa bilim tehnologııalaryn talqylady
ASTANA. Qazannyń 12-si. QazAqparat - Qazaqstannyń Qarjy mınıstrliginiń Kedendik baqylaý komıteti Keden odaǵynyń aıasyndaǵy oqý úderisiniń jańa oqý tehnologııalary,
ádistemelik jumystardyń oń tájirıbelerin zertteý jáne jınaqtaý máseleleri boıynsha jumys babyndaǵy kezdesý ótkizdi.
Basqosýǵa QR Qarjy mınıstrligi Kedendik baqylaý komıtetiniń, Komıtettiń Astana qalasyndaǵy Oqý ádistemelik ortalyǵynyń, QR Ekonomıkalyq qylmysqa jáne sybaılas jemqorlyqqa qarsy kúres agenttigi Qarjy polıtsııasy akademııasynyń, Belarýs Respýblıkasynyń Kedendik organdar úshin kadrlar qaıta daıyndaý jáne olardyń biliktiligin jetildirý jónindegi memlekettik ınstıtýtynyń, Reseıdiń Federaldyq keden qyzmetiniń Ýral kedendik basqarmasynyń, Túmen kedeniniń, RF Keden qyzmetiniń Qazaqstan Respýblıkasynyń Keden qyzmetiniń janyndaǵy ókildiginiń ókilderi qatysty, dep habarlady QR Qarjy mınıstrliginiń baspasóz qyzmetinen.
Kezdesýge qatysýshylar keden jumysyna ilgerileýshilik júıesin engizý, kedendik protsedýralardy ońtaılandyrý, keden qyzmetkerleriniń kásibı daıyndyqtaryn jetildirý máselelerin de talqylady.
