Keden odaǵy erkin saýda aımaǵyn qurý boıynsha Vetnammen kelissózder júrgizdi

ASTANA. QazAqparat - Almatyda Keden odaǵyna qatysýshylar - Qazaqstan, Reseı, Belarýs elderi men Vetnam arasynda Erkin saýda aımaǵy boıynsha kelisimdi talqylaýdyń birinshi raýndy aıaqtaldy, dep habarlaıdy QR Ekonomıka jáne bıýdjettik josparlaý mınıstrliginiń baspasóz qyzmetinen.

Taraptar taýar saýdasy, kedendik ákimshilik etý, shyǵý teginiń erejeleri, ıntellektýaldy menshiktik jáne memlekettik satyp alýlar jónindegi kelisimsharttyń bólimderin talqylady.

Elektrondy saýda, sanıtarly jáne fıtosanıtarlyq sharalar bóliminiń mátini boıynsha jumystar aıaqtaldy.

«Kelisimshart jasasý Kedendik odaqqa múshe-elder men Vetnam arasyndaǵy saýda baılanystaryn nyǵaıtý jáne damytýǵa sebep bolady, sonymen qatar Vetnam naryǵyna taýarlardy jyljytý jáne Kedendik odaqqa múshe elderine ınvestıtsııa tartýda qolaıly jaǵdaı týdyrady» delingen habarlamada.