Keden odaǵy elderiniń úkimetteri men Jańa Zelandııa úkimetiniń músheleri erkin saýda keńistigi (ESK) týraly kelissózderdi bastaýǵa daıyn
ASTANA. 15 qarasha. QazAqparat - Reseı Federatsııasynyń Ekonomıkalyq damý mınıstri Elvıra Nabıýllına, Qazaqstan Respýblıkasynyń Ekonomıkalyq damý jáne saýda mınıstri Janar Aıtjanova,
Belarýs Respýblıkasynyń Syrtqy ister mınıstri Sergeı Martynov jáne Jańa Zelandııanyń Saýda mınıstri Hon Tım Grosser bárin qamtýshy jáne zamanaýı erkin saýda keńistigi (ESK) týraly kelissózderdi bastaýǵa ázirligi týraly kelisti, dep habarlaıdy QR Ekonomıkalyq damý jáne saýda mınıstrliginiń baspasóz qyzmeti.
Keden odaǵy elderi Reseı, Qazaqstan jáne Belarýs ESK boıynsha tolyqqandy kelissózderdi ótkizýge alǵash kiristi. Atalǵan oqıǵa Keden odaǵyn damytýda jáne onyń halyqaralyq saýdaǵa jáne ekonomıkalyq júıege birigýinde mańyzdy qadam bolyp otyr. Atalǵan Erkin saýda keńistigi erekshe mańyzǵa ıe bolmaq, sebebi, bul tórt elge azııalyq-tynyq muhıt ekonomıkalyq sáýletiniń qarqyndy jáne tez damýshy memleketteriniń ekonomıkalyq ıntegratsııalyq úrdisterine qosylýǵa jáne olardyń mańyzdy elementine aınalýǵa múmkindik beredi.
Mınıstrler 2010 jylǵy 5 qazanda tórt eldiń sarapshylary ázirlegen ESK týraly birlesken baıandamany maquldady jáne laýazymdy tulǵalarǵa kelissózderdi bastaýǵa jáne baıandamaǵa sáıkes 2011 jyldyń aıaǵyna qaraı kelisimge qol qoıýǵa tapsyrma berdi.
