Keden odaǵy elderinen eksportqa kvota berý qajet - R.Alshanov
TANA. 17 qarasha. QazAqparat /Marlan Jıembaı/ - Keden odaǵy elderinen eksportqa kvota berý qajet. Bul pikirdi búgin elordada ótken «Ekspert» pikirsaıys klýbynyń
«Keden odaǵy: joǵaltqannan góri kóbirek al» taqyrybyndaǵy otyrysynda «Turan» ýnıversıtetiniń rektory Rahman Alshanov bildirdi.
Qazaqstan, Reseı jáne Belarýs memleketteri arasynda qurylǵan Kedendik odaqtyń kemshin jáne utymdy tustaryn tarazylaǵan ol: «Máselen, aǵymdaǵy jyly astyq túsimi óte mol bolyp, Qazaqstan, Reseı jáne Belarýs birden básekelesterge aınaldy. Biz básekelespiz, óıtkeni Reseı Qara teńiz aılaǵy arqyly buǵan deıin Qazaqstan astyq ótkizýde basymdyq tanytqan Egıpet pen Týnıs naryǵyna shyǵýda», - dedi ol.
Osy oraıda onyń paıymynsha, astyq jáne basqa da taýarlardy eksporttaý barysynda Keden odaǵyna múshe elderdiń arasyndaǵy básekelestik olardyń eonomıkasyna jaǵymsyz áser etetin bolady. Sondyqtan Eýropalyq odaqta qoldanysta júrgen eksportqa kvota berý tetigin engizý qajet.
