Keden odaǵy elderinde ónimderdiń biryńǵaı tizimi jasalýyna baılanysty, sertıfıkattaýǵa jatatyn ónimder sany 100-ge azaıdy
ALMATY. 17 qarasha. QazAqparat /Erbol Azanbek/ - Keden odaǵyna múshe elderde odaq talaptaryna sáıkes ónimderdiń biryńǵaı tizimi jasaldy. Bul tizimge ilikken ónimder úsh elde sertıfıkattaýsyz satylymǵa túse beredi.
Bul týraly búgin Almatydaǵy «Nur Otan» HDP Almaty qalalyq fılıalynda ótken «Qazaqstan, Reseı, Belarýs arasyndaǵy Keden odaǵynyń basymdyqtary» atty dóńgelek ústel barysynda aıtyldy.
Almaty qalasy boıynsha tehnıkalyq retteý, standarttaý jáne metrologııa departamentiniń bastyǵy Sherhan Majedenovtyń aıtýynsha, bul tizimge ilikpegen taýarlar ulttyq sertıfıkat boıynsha satylady. «Biryńǵaı ónimder tizimi jasalǵaly beri sertıfıkattaýǵa jatatyn ónimderdiń sany 100-ge deıin azaıdy. 2011 jyldyń 1 qańtarynan bastap sertıfıkattaýǵa jatatyn ónimderdiń sany taǵy 2 esege azaıady»,- dedi Sh.Majedenov.
Biryńǵaı ónimder tiziminiń basymdylyǵy buryn kásipkerler Reseı nemese Belorýssııaǵa ónim shyǵarý kezinde taýarlardy sertıfıkattap áýrege túsetin. Biryńǵaı ónimderdiń tiziminiń jasalýymen bul kedergi joıylyp otyr.
