Keden odaǵy elderi birlesken venchýrlik qor qurýǵa nıetti
ASTANA. 9 qarasha. QazAqparat - Belarýs, Reseı jáne Kazaqstan birlesken venchýrlik qor qurýdy josparlap otyr,
dep habarlaıdy Belarýs ınnovatsııalyq qorynyń dırektory Anatolıı Grıshanovıchtiń sózine silteme jasaǵan "BELTA" agenttigi.
A. Grıshanovıch Reseı men Qazaqstan nanotehnologııa jóninde birlesken vencherlik qor qurý týraly kelissózder júrgizip kele jatqanyna da jyldan asqanyn, sáıkes qujattar daıyndalyp, jańa qurylymdar aıasynda ózara birlesken mehanızmder júzege asyrylyp jatqanyn agenttik tilshilerine túsindirip berdi.
«Biz sondaı-aq, bul qordy qurýǵa qyzyǵýshylyq bildiretinimizdi aıttyq, qazir úshjaqty áriptestiktiń tıimdiligi qaralyp jatyr», - dedi ol.
A.Grıshanovıch sondaı-aq EýrAzEq aıasynda vencherlik jobany úsh el birlese oryndaýǵa kelisip te qoıǵanyn aıtyp ótti.
«Taıaýda Máskeýde ótken nanotehnologııa jónindegi Halyqaralyq forýmda tıisti kelisimderge qol jetkizildi. Qazir biz naqty baǵyttar men ózara árekettestik talaptaryn kamtıtyn kelissóz júrgizip jatyrmyz», - dedi ol.
