Keden odaǵy elderi basshylarynyń Máskeýde kezdesetin kúni belgili boldy

ASTANA. 18 jeltoqsan. QazAqparat - 24 jeltoqsanda Máskeýde Keden odaǵyna qatysýshy elderdiń basshylary Joǵary Eýrazııalyq ekonomıkalyq keńestiń otyrysynda kezdesedi. Bul týraly reseılik BAQ habarlady.

Kezdesý qorytyndysy boıynsha biryńǵaı kedendik saıasat, tabıǵı monopolııalardyń qyzmetin retteý jáne básekelestik erejesi baǵytynda birqatar kelisimderge qol qoıylady dep kútilýde.

«Qazaqstan, Belarýs jáne Reseı prezıdentteri Keden odaǵy men Biryńǵaı ekonomıkalyq keńistikke múshe memleketterdiń ıntegratsııalyq ózara is-qımylynyń negizgi baǵyttaryn, sondaı-aq Eýrazııalyq ekonomıkalyq odaqty qalyptastyrý boıynsha jumystardyń barysyn talqylaıdy. Eýrazııalyq ıntegratsııalyq qurylymdarǵa Qyrǵyzstan men Armenııanyń qosylýy turǵysynda «jol kartalaryn» daıarlaý men júzege asyrý máseleleri qaralady», - delingen RF prezıdenti ákimshiliginiń habarlamasynda.