Keden odaǵy daǵdarys jaǵdaıynda el ekonomıkalaryna kúrdeli kezeńdi eńserýge múmkindik beredi - sarapshynyń pikiri
STANA. Naýryzdyń 29-y. QazAqparat - Búgingideı daǵdarys jaǵdaıynda Keden odaǵyn Qazaqstan, Reseı jáne Belarýs elderi úshin «qutqarýshy sheńber» retinde qarastyrýǵa bolady, bul ıgi bastama atalǵan úsh eldiń ekonomıkalaryna jáne azamattaryna kúrdeli kezeńdi eńserýge múmkindik beredi, dep sanaıdy «Ekspert-Qazaqstan» jýrnalynyń saıasat bóliminiń redaktory Nıkolaı Kýzmın.
liter.kz basylymyna bergen suhbatynda sarapshy, qurylyp otyrǵan odaqtyń qatysýshy elderge qosymsha múmkindikter berip otyrǵanyn, jobalardy qarjylandyrýda problemalar, ózge elder júrgizip otyrǵan protektsııa jasaý saıasattary baıqalyp otyrǵan kezeńde bul múmkindikterdi paıdalanbaý aqymaqtyq.
Qazaqstan halyq tutynatyn kóp taýarlardy shetelden satyp alatyny belgili. Osyndaı jaǵdaıda Keden odaǵy qarapaıym azamattar úshin jaqsy ıgilik bolǵaly otyr, olar reseılik jáne belarýs taýarlaryn tómen baǵamen satyp ala alady, deıdi sarapshy.
Qazaqstandyq óndirýshilerdiń kózqarasy turǵysynan, baj salyǵynyń tómendeýi de kórshi naryqtarda olardyń ónimderine degen baǵany tómendetedi, al bul óz kezeginde kompanııalardyń básekege qabilettiligin nyǵaıtady.
Keden odaǵy boıynsha seriktester aǵymdaǵy daǵdarysty óz betterinshe jaman eńserip jatqan joq, degenmen, olarda da problemalar joq emes, jumyssyzdyq jáne ekonomıka kórsetkishteriniń tómendeý úrdisteri bar. Eger Reseı, Qazaqstannyń izin ala daǵdarysqa qarsy baǵdarlama qabyldamasa jáne munaı men gazdy syrtqa satýdan qordalanǵan qarjyny ekonomıkany turaqtandyrýǵa salmaǵanda, jaǵdaı qazirgiden de qıyn bolar ma edi, kim bilsin, deıdi N.Kýzmın. Osyndaı alıans búgingideı qıyn jaǵdaıda Keden odaǵyn nyǵaıta túsedi, postkeńestik keńistiktegi basqa bıznes-yqpaldastyq jobalarǵa qaraǵanda, onyń básekege qabilettiligin arttyra túsedi.
